أسعار الأسمنت تصدم الأسواق اليوم الجمعة 9 مايو 2025 وتصل بالطن إلى 4000 جنيه
اليوم الجمعة 9 مايو 2025، استقرت أسعار الأسمنت في الأسواق المصرية بعدما شهدت زيادات طفيفة خلال الفترة الأخيرة، وسط حالة من ترقب لدى المواطنين والتجار على حد سواء، السوق فيه توافر كبير للمنتج، والأسعار مستقرة رغم إنه فيه توقعات بان سعر الطن يمكن يرتفع شوية بحوالي 100 جنيه خلال الأيام الجاية، واللي وصل دلوقتي في بعض المناطق لحد 4000 جنيه للطن.
استقرار ووفرة في السوق المصري
حسب تصريحات أحمد الزيني، رئيس شعبة مواد البناء في الغرفة التجارية بالقاهرة، سوق الأسمنت حالياً مستقر نسبياً، والزينة وضح إن الزيادة الأخيرة اللي حصلت كانت بتتراوح بين 30 و100 جنيه في الطن حسب الشركة ونوعية المنتج، لكن بينصح الناس بعدم الاستعجال في الشراء بكميات ضخمة، عشان السوق فيه توافر كبير والأسعار مش هتتغير كتير في الوقت الحالي، وأشار كمان إن الأسمنت سلعة أساسية وعصب أي عمل إنشائي وبالتالي صعب الاستغناء عنه في أي مشروع بناء، سواء صغير أو كبير.
صادرات قياسية ومستقبل مشرق
الملفت للنظر كمان، إن صادرات الأسمنت المصري زادت بشكل ملحوظ في آخر كام سنة، وده وضحته بيانات المجلس التصديري لمواد البناء، اللي قالت إن الصادرات ارتفعت من 465 مليون دولار سنة 2021 إلى 770 مليون دولار سنة 2023، ووصلت لـ 780 مليون دولار في أول عشرة شهور من 2024، كمان فيه حوالي 95 دولة حوالين العالم بتستورد من مصر، ومعظمهم من الدول الأفريقية.
إنتاج ضخم لتعزيز الاستقرار
أرقام البنك المركزي المصري كمان بتقول إن إنتاج الأسمنت في مصر زاد خلال الفترة من يناير لغاية يوليو 2024 لحوالي 25.39 مليون طن مقابل 23.3 مليون طن في نفس الفترة من السنة اللي فاتت، يعني فيه زيادة بحوالي 2 مليون طن، ده كله بيخلي التوقعات غالبا بتشير لاستمرار الاستقرار في الأسعار خلال الفترة الجاية، مع فرص ارتفاع طفيف لكن مش هيكون كبير أو مفاجئ.
