ارتفاع أسعار الذهب اليوم.. سعر جرام الذهب عيار 21 في مصر يسجل 4640 جنيهًا
في متابعة لحركة سوق الذهب في مصر اليوم السبت 3 مايو 2025، سجلت الأسعار تراجع واضح على مستوى جميع الأعيرة مقارنة بأسعار أمس، وهو ما انعكس بوضوح في تعاملات الصباح والمساء، وده خلى كتير من المواطنين والتجار يراقبوا السوق عن قرب في محاولة لفهم السبب ورا الحركة دي، خصوصا مع استمرار حالة التذبذب في الأسواق العالمية وسط الظروف الاقتصادية المضطربة.
انخفاض الأسعار بشكل مفاجئ
سعر جرام الذهب عيار 24 اليوم سجل حوالي 5303 جنيه، في حين وصل سعر الجرام عيار 21 – اللي بيعتبر الأكثر طلبا وشعبية في السوق المصري – حوالى 4640 جنيه، أما العيار 18 سجل 3977 جنيه، بينما عيار 14 بقى فى حدود 3093 جنيه، الجنيه الذهب، اللي بيهم أصحاب المدخرات الكبيرة والمستثمرين، وصل لحدود 37120 جنيه، وكلها أسعار أقل بكتير من اللي كانت موجودة الأيام اللي فاتت.
أسباب التراجع في أسعار الذهب
مصادر السوق أكدت إن التراجع مرتبط بشكل أساسي ببيانات اقتصادية مهمة خرجت من الولايات المتحدة، بعد ما أظهرت نوع من تباطؤ واضح في النشاط الاقتصادي خلال شهر أبريل، مع وجود ارتفاع ملحوظ في معدلات التضخم، المشهد ده خلى المستثمرين في حالة ترقب وقلق، لأن الخيارات أصبحت صعبة قدام البنك الفيدرالي الأمريكي فيما يخص أسعار الفائدة.
في نفس الوقت، الأسواق العالمية اتأثرت هي كمان بارتفاع سعر الدولار وكمان بانخفاض حدة التوترات التجارية، وده دفع أسعار الذهب للهبوط على المستوى الدولي وسط حالة من الترقب لأي تطورات جديدة، خصوصا مع انتظار صدور بيانات اقتصادية أمريكية تانية ممكن توجه دفة السوق في الأيام الجاية.
الهزة دي في سوق الذهب المحلي والعالمي بتأكد إن الأسعار مازالت معرضة للتقلب الشديد، وتخلي المستثمرين والمواطنين دايمًا على أعصابهم، مترقبين كل جديد في حركة السوق المحلي والدولي.
