ارتفاع مفاجئ بأسعار الذهب اليوم الثلاثاء 6 مايو 2025 الجنيه الذهب يسجل 37720 جنيها
تشهد أسواق الذهب في مصر حالة من الترقب والتغيرات اليومية مع بداية الأسبوع الجاري، خاصة مع تزايد الحديث بين المواطنين عن الأسعار وتوقعات التجار في السوق المحلية، المصريون بطبيعتهم بيفضلوا متابعة أسعار الذهب بشكل يومي، لأن المعدن الأصفر مش بس مخزن للقيمة، لكن كمان وسيلة سريعة للاستثمار أو الادخار في ظل أي ظروف اقتصادية، النهاردة الثلاثاء، المهتمين بشراء أو بيع الذهب انشغلوا بسؤالهم المعتاد: هو سعر الذهب وصل لفين؟
أسعار الذهب اليوم الثلاثاء في مصر
بحسب مصادر مطلعة من شعبة الذهب في الغرفة التجارية، سجل سعر عيار 24 – اللي يعتبر الذهب الصافي من غير أي إضافات – حوالي 5382.86 جنيه للجرام، أما بالنسبة لعيار 21، اللي هو الأشهر والأكثر تداول في السوق المصري، فهو دلوقتي بيسجل 4710 جنيهات للجرام، وده السعر اللي كتير من الناس بتدور عليه، سواء عايزين يشتروا شبكة أو حتى يدخروا للمستقبل، وبالنسبة لعيار 18، اللي عليه طلب في بعض المناطق والمدن، وصل كمان عند 4037.14 جنيه للجرام، أصحاب الميزانيات الأقل ما زالوا بيروحوا لعيار 14، وسعره استقر عند حوالي 3140 جنيه للجرام، وفي مفاجأة اليوم، وصل سعر الجنيه الذهب إلى 37720 جنيه وده بيهم ناس كتير بتحب تقتني الجنيهات سواء للادخار أو الهدايا.
تأثير الأسواق العالمية على السوق المصري
سوق الذهب في مصر حساس جدا لأي تغييرات بتحصل في السوق العالمي، وخصوصا مع قرارات رؤساء العالم، الأيام دي، الأسواق الدولية مشدودة الأعصاب بسبب قرارات جديدة من الرئيس الأمريكي دونالد ترامب بزيادة الجمارك على بعض المنتجات، وده ممكن يفتح الباب لموجة من التوتر التجاري أو حتى حرب تجارية عالمية، وكمان المستثمرين حول العالم بقوا دلوقتي يراقبوا الإنتاج في المناجم الكبرى، ويركزوا على الطلب الصناعي وسعر الفايدة اللي بيأثر بشكل مباشر على القرارات الاقتصادية.
الذهب في مصر بيعكس حركة الاقتصاد الدولي والمحلي في وقت واحد، وبيفضل دايما في بؤرة الاهتمام خاصة أوقات الأزمات أو التغيرات السريعة، المصريين بيشوفوا في الذهب أمان وضمان لمستقبل أفضل، وده اللي بيخلي متابعة أسعاره كل يوم عادة عند كتير من البيوت.
