ارتفاع مفاجئ بأسعار الذهب اليوم الجمعة 9 مايو 2025 وفقًا لآخر التحديثات
شهدت أسعار الذهب اليوم الجمعة الموافق 9 مايو 2025 حالة من الحيرة الكبيرة وسط المواطنين والتجار، بعد ما سجلت الأسعار أرقام جديدة مختلفة عن اليومين اللي فاتوا، وده كله بسبب التقلبات اللي بتحصل في البورصة العالمية، الناس تلاحِظ أن الذهب بقى أداة أمان في ظل الظروف الاقتصادية غير المستقرة، خصوصا وأنه تحوط طبيعي وقت التضخم وعدم الاستقرار ودايما الناس بتتجه ليه أول ما يحسوا إن فيه أزمة جاية أو فيه شيء مش واضح في الاقتصاد.
أسعار الذهب النهارده في مصر
النهاردة الأسعار فضلت تتغير على مدار اليوم زي العادة، وفجأة تلاقي السعر طالع 20 جنيه، وبعدها بينزل يمكن عشرة جنيهات تانية، وكل ده بسبب العرض والطلب وتأثر السوق المحلي بالأخبار اللي بتطلع عن البورصة العالمية.
بالنسبة للأسعار اللي وصلنا لها لحد دلوقتي:
– سعر جرام الذهب عيار 24 وصل حوالي 5411 جنيه
– سعر جرام الذهب عيار 21، الشائع بين المصريين، سجل 4735 جنيه
– جرام الذهب عيار 18 وقف على 4058 جنيه
– أما جرام الذهب عيار 14 فبقى حوالى 3156 جنيه
– والجنيه الذهب نفسه سعره قفز لـ37880 جنيه
الذهب ومخاوف السوق العالمي
السوق العالمي للذهب بيمر بفترة ارتباك، بسبب قرارات الرئيس الأمريكي دونالد ترامب الأخيرة بخصوص زيادة الرسوم الجمركية على بعض السلع، وده ممكن يولع حرب تجارية جديدة، وده اللي خلى المستثمرين يجروا بسرعة يشتروا ذهب أو على الأقل يحافظوا عليه.
الهام جدا واللازم الناس تعرفه إن كل الأسعار دي ممكن تتغير في أي لحظة، يعني لو ناوي تشتري أو تبيع، خلي بالك إن فيه رسوم مصنعية وضريبة ودمغة بتضاف على السعر، غير السعر الفوري اللي بيتغير مع حركة السوق العالمي، ده غير إن فيه أسعار بتطلع كل شوية وكل دقيقة ممكن تكون مختلفة، وده طبيعي في الأجواء اللي زي دي.
في النهاية الذهب بيبقى هو الملاذ الأول لأي شخص نفسه يضمن فلوسه تبقى محفوظة وقت الأزمات، ومتابعة الأسعار اللحظية بقت عادة عند ناس كتير عشان يشوفوا أحسن وقت للتعامل في السوق.
