الانضباط تحسم الجدل وترد احتجاج الفيحاء ضد حارس العروبه رسمياً
لجنه الانضباط والاخلاق في اتحاد كوره القدم السعودي طلعت ببيان رسمي النهارده الخميس، ورفضت فيه الاحتجاج اللي قدمه نادي الفيحاء ضد نادي العروبه بخصوص مشاركه الحارس رافع محمد الرويلي.
المباراه كانت في الجوله الـ29 من دوري روشن، واتلعبت الخميس اللي فات بين الفيحاء والعروبه، وانتهت بتعادل 2-2، لكن بعد اللقاء قدم الفيحاء احتجاج وقال إن مشاركه الحارس رافع الرويلي مش قانونيه، عشان فيه كلام عن إنه مرتبط بوظيفه حكوميه وماعندوش عقد احتراف رسمي.
اللجنه ردت وقالت إنهم استلموا كل الاوراق المطلوبه من الفيحاء، وكمان خاطبوا نادي العروبه ولجنه الاحتراف علشان يتأكدوا من الوضع، وفعلاً اتأكدوا إن تسجيل اللاعب نظامي 100%، وإنه مسجل كلاعب محترف حسب لوائح الاحتراف وانتقالات اللاعبين.
يعني كده مشاركه الرويلي كانت سليمه، ومفيش أي خرق للقوانين، والفيحاء مش هيكسب أي نقاط من ورا الاحتجاج ده.
