الجوله ٣٥ في الدوري الإنجليزي تنطلق بمواجهات ناريه وسباق مشتعل

بتبدأ الجوله الخامسه والثلاثين من الدوري الإنجليزي الممتاز لموسم 2024-2025 يوم الجمعه 2 مايو، وبتستمر لحد يوم الاثنين 5 مايو، وسط ترقب كبير من عشاق الكوره الإنجليزيه اللي مستنيين مباريات ناريه ومليانه حماس.

ليفربول متصدر الترتيب بـ82 نقطه وبيحاول يحافظ على الصداره، وراه آرسنال بـ67 نقطه، وبعده نيوكاسل ومانشستر سيتي وتشيلسي ونوتينغهام فورست، اللي كلهم بيصارعو على بطولات أوروبا.

أول مباريات الجوله هتكون يوم الجمعه بين مانشستر سيتي وولفرهامبتون الساعه 10 مساءً.

ويوم السبت هنشوف ماتشات كتير، منهم آرسنال ضد بورنموث الساعه 7:30، وليستر ضد ساوثهامبتون الساعة 5.

الأحد هيكون اليوم الأهم بماتشات قويه، أبرزها تشيلسي ضد ليفربول الساعة 6:30 مساءً، وماتشات تانيه زي برايتون ونيوكاسل، وبرينتفورد ضد مانشستر يونايتد.

الجوله هتختم يوم الاثنين بمباراة كريستال بالاس ضد نوتينغهام فورست الساعة 10 مساءً.

كل الماتشات منقوله على قنوات بي إن سبورتس، والجمهور مستني متعه كرويه حقيقيه، خصوصًا مع قرب النهايه وكل فريق بيحاول يحقّق هدفه.