تقرير عالمي: تشابي ألونسو خلاص قرب يسيب ليفركوزن عشان مدريد
كشفت تقارير صحفيه صباح التلات، عن مفاجأه كبيره بخصوص مستقبل المدرب الإسباني تشابي ألونسو، مدرب باير ليفركوزن، بعد ما ارتبط اسمه الفتره اللي فاتت بريال مدريد، كبديل محتمل لكارلو أنشيلوتي.
ألونسو اللي بيقدم موسم خرافي مع ليفركوزن، وحقق معاهم الموسم اللي فات الدوري والكأس، وكمان وصل لنهائي الدوري الأوروبي، دلوقتي بيقرب أكتر من تدريب ريال مدريد حسب كلام جريده “ذا أثلتيك”.
العقد بتاعه مع ليفركوزن لسه مخلصش، بينتهي صيف 2026، لكن الصحيفه البريطانيه قالت إن النادي الألماني ممكن يسمح له يمشي لو قرر ياخد خطوه جديده.
وفي خلال 3 أو 4 أسابيع، باير ليفركوزن هيحدد مصير ألونسو رسمي، بس المؤشرات بتقول إنهم مش هيقفوا قدام رغبته لو قرر يروح الميرينجي.
ريال مدريد من ناحيته بيدور على بديل لأنشيلوتي، خصوصا لو قرر يسيب الفريق بعد نهاية الموسم، وألونسو يعتبر من أكتر الأسماء اللي عليها إجماع في النادي وبين الجماهير كمان.
