رافينيا يرفض عرض الهلال الخرافي ويتمسك بالبقاء في برشلونة
اللاعب البرازيلي رافينيا جناح برشلونة، رفض عرض كبير جدًا جاله من نادي الهلال السعودي، اللي قدم له مبلغ 100 مليون يورو للنادي، وراتب سنوي يوصل لـ25 مليون لمدة 4 سنين!
الهلال كان عايز يضم رافينيا في الصيف الجاي، علشان يعزز صفوفه قبل بطولة كأس العالم للأندية اللي هتتلعب في أمريكا، بس رافينيا قال لأ، وقرر يكمل مع الفريق الكتالوني.
حسب صحيفة “سبورت” الكتالونية، الهلال كان جاد جدًا في العرض، وحابب يخطف رافينيا من أوروبا، بس اللاعب أكد إنه مش ناوي يسيب برشلونة دلوقتي، وعينه على البطولات مع الفريق.
رافينيا جه برشلونة في صيف 2022 من ليدز يونايتد، ومن ساعتها وهو واحد من الركائز اللي بيعتمد عليهم المدرب هانزي فليك، خصوصًا إن الفريق دلوقتي متصدر الدوري ووصل نص نهائي دوري الأبطال.
ورغم إن العرض مغري جدًا ماديًا، إلا إن رافينيا حاسس إنه لسه قدامه كتير في أوروبا، وبيحلم يحقق بطولات مع برشلونة، وعشان كده قرر يرفض كل الفلوس دي ويكمل المشوار مع البارسا.
