سوق العملات يتقلب: الريال السعودي يواصل التراجع أمام الجنيه المصري اليوم الأحد 4-5-2025
شهدت السوق المصرية اليوم حالة من الترقب بين المواطنين والعملاء في البنوك بسبب تراجع سعر الريال السعودي أمام الجنيه المصري في تعاملات يوم الأحد 4 مايو 2025، الناس في الشارع بقوا يسألوا بعض يا ترى الأسعار هتتغير أكتر ولا هترجع تاني زي ما كانت الفترة اللي فاتت، وده بعد ما سجل سعر الريال في أغلب البنوك هبوط ملحوظ مقارنة بالأيام الماضية.
الهبوط ده أثر بشكل مباشر على الناس اللي بتتعامل بالريال السعودي خصوصًا أصحاب شركات السياحة والمسافرين واللي عندهم تحويلات مالية من السعودية، وخلَّى الكل حاسس إن السوق فيه حالة عدم استقرار.
سعر الريال السعودي في البنوك
سعر الريال السعودي في البنك الأهلي المصري سجل حوالي 13.47 جنيه للشراء و13.54 جنيه للبيع، أما في بنك مصر كانت الأسعار شبه ثابتة عند نفس المستويات، ده غير إن البنك المركزي المصري أعلن إن المتوسط العام وصل لـ 13.53 جنيه للشراء و13.56 جنيه للبيع.
اختلافات بسيطة بين البنوك
أسعار الريال السعودي اتغيرت شوية من بنك للتاني، وده واضح مثلاً في بنك الإسكندرية اللي عرض الريال بسعر 13.48 جنيه للشراء و13.53 جنيه للبيع، وفي البنك التجاري الدولي CIB السعر كان 13.49 جنيه للشراء و13.51 جنيه للبيع.
أما مصرف أبو ظبي التجاري فقدم سعر شراء ريـال أقل بكتير عند مستوى 13.23 جنيه، لكن البيع كان تقريبا زي البنوك التانية بـ 13.56 جنيه، كمان بنك البركة قرر يشترى الريال بـ 13.44 جنيه ويبيعه بـ 13.53 جنيه، وبنك قناة السويس السعر فيه سجل 13.46 جنيه للشراء و13.55 جنيه للبيع.
الانخفاض ده لسه مش واضح إذا كان مستمر ولا لأ، لكن كل المؤشرات بتدل إن سعر الريال السعودي قابل للتغير في أي وقت الأيام الجاية حسب حركة السوق وقوة الجنيه مقابل العملات الأجنبية التانية، المتابعين للسوق بينصحوا الناس بمراقبة الأسعار أول بأول، خصوصًا اللي عندهم التزامات أو سفريات مرتبطة بالريال السعودي.
