فرح ليلى زاهر وهشام جمال قدام سقاره وسط نجوم الفن كلهم
اتعمل امبارح فرح الفنانة ليلى أحمد زاهر والمنتج والمطرب هشام جمال في أجواء كانت فعلاً أسطوريه، قدام هرم سقاره، وكان الحفل مليان بالنجوم وأصحاب العروسيين.
الكل حضر واحتفل، والفرح كان فخم بدرجه كبيره وخطف الأنظار من أول لحظه.
من أبرز الحضور كانت النجمه يسرا، ليلى علوي، يوسف الشريف، مصطفى شعبان، أحمد فهمي، مي عمر وجوزها محمد سامي، روجينا، دنيا عبد العزيز، داليا البحيري، رنا رئيس، وفاء عامر، رضوى الشربيني، ريهام عبد الغفور، هالة سرحان، عبير صبري، وغيرهم كتير من الفنانين والإعلاميين.
كمان حضر الفرح الكابتن محمود الخطيب، وإسعاد يونس، وشام الذهبي، ومحمد فراج وبسنت شوقي.
الفرح كان فيه فقرتين غنا من محمد حماقي وأحمد سعد، اللي ولعوا الفرح حرفيًا بأغانيهم، وخلو الجو كله طرب وفرحه.
هرم سقاره كان منوّر مخصوص بالمناسبه دي، في لمسه كانت مميزه وجميله، وخليت الفرح حاجه فعلاً مش عاديه.
والكل قال إن ده واحد من أجمل الأفراح في الوسط الفني السنين الأخيره.
