مرموش بيكسر الدنيا مع السيتي بس لسه صايم برا ملعب الاتحاد
من أول ما انضم عمر مرموش لمانشستر سيتي في الميركاتو الشتوي، والكل بقى بيتكلم عنه، بعد ما نجح يثبت نفسه كمهاجم تقيل وعنده حس تهديفي عالي، وبدأ الناس تتوقعله إنه يكون منافس قوي على الحذاء الدهبي الموسم الجاي لما السباق يبدأ من أوله.
مرموش سجل 6 أهداف في الدوري الإنجليزي لحد دلوقتي، وكلهم جوا ملعب الاتحاد، وكأن عنده تعويذة خاصة على ستاد السيتي، سجل هاتريك خرافي قدام نيوكاسل، وبعدها هدف ضد برايتون، وهدف في ليستر سيتي، وكمان هدف ضد كريستال بالاس ولكن اللافت للنظر إنه في الخمس ماتشات اللي لعبهم برا ملعبه، لسه ما قدرش يسجل أي هدف.
الناس بدأت تتسائل، هل مرموش عنده مشكلة برا الاتحاد؟ ولا ده مجرد حظ وحيتغير مع الوقت؟ بس اللي محدش يقدر ينكره، إن اللاعب المصري بقى حديث الصحافة والجمهور، وكل ماتش بينزل فيه بيكون مصدر خطورة.
السيتي كسب صفقة مرموش، والراجل لسه قدامه كتير يقدمه، بس عليه إنه يبدأ يكسّر نحس المباريات الخارجية، علشان يبقى مهاجم متكامل ويكمل مشواره في طريق النجومية.
