أتلتيكو مدريد يستضيف رايو فاليكانو وعينه على تعزيز مركزه الثالث
يستعد فريق أتلتيكو مدريد اليوم الخميس يستضيف خصمه رايو فاليكانو ع ملعب ميتروبوليتانو، ضمن مباريات الجوله 33 من الدوري الإسباني، في لقاء مهم لكلا الفريقين رغم اختلاف الطموحات.
الروخي بلانكوس يدخل المباراه وهو بالمركز الثالث في ترتيب الليغا وبرصيد 63 نقطه، وهدفه واضح، يبغى يثبت نفسه بالمربع الذهبي ويحافظ ع مركزه المؤهل لدوري الأبطال الموسم الجاي، خصوصاً بعد موسم كان فيه كثير من التذبذب بالأداء.
أما فريق رايو فاليكانو، فهو حالياً بالمركز العاشر ومعاه 41 نقطه، ويدور يطلع بنتيجه إيجابيه من معقل الأتليتي، عشان يقدر يحسّن من مركزه أكثر أو على الأقل يثبت نفسه بوسط الجدول بعيد عن حسابات الهبوط.
دييغو سيميوني، مدرب أتلتيكو، يتوقع يدفع بتشكيله قويه من بدايه اللقاء عشان يحسمها بدري، خصوصاً قدام جمهورهم، بعض المصادر قالت إن التشكيله المتوقعه بتكون قريبه من:
أوبلاك فالحراسه، قدامه سافيتش، خيمينيز وهيرموسو، ووسط فيه دي باول وكوكي، وفي الهجوم ممكن نشوف غريزمان وموراتا، أو كوريا يدخل بديل حسب ظروف اللعب.
المباراه واعده بالحماس، خصوصًا إن فاليكانو فريق مزعج دفاعياً، بس الأتليتي عنده الأدوات اللي يقدر يفك فيها التكتلات لو لعبوا بتركيز.
