أرسنال بيجهز عرض خرافي لضم مدافع برشلونة جول كوندي
كشفت صحيفة “موندو ديبورتيفو” الإسبانيه إن نادي أرسنال الإنجليزي ناوي يقدّم عرض رسمي بـ65 مليون يورو، عشان يضم المدافع الفرنسي جول كوندي من برشلونة في الصيف الجاي، وده بطلب خاص من المدرب ميكيل أرتيتا اللي شايف إن كوندي هيكون إضافة كبيره لدفاع الجانرز.
التقارير وضّحت إن أرتيتا عايز يعزز خط دفاعه بمدافع عنده خبره وكواليتي عالي، وكوندي بيعتبر من العناصر الأساسيه في تشكيل برشلونة، ومش سهل التفاوض عليه.
كوندي عقده ممتد مع البارسا لحد صيف 2027، لكن مستواه الممتاز الموسم ده خلى أكتر من نادي أوروبي كبير يوجه أنظاره عليه، خصوصًا بعد الأداء القوي اللي بيقدمه في الليجا ودوري الأبطال.
ورغم كده، برشلونة مش ناوي يفرّط فيه بالساهل، والإداره شغاله حاليًا على مفاوضات مع اللاعب ووكيله عشان يجددوا العقد ويضمنوا استقراره داخل الفريق.
في الوقت اللي أرسنال بيحضر العرض، برشلونة واثقين إنهم يلاقوا اتفاق مع المدافع، ومش قلقانين من العروض اللي بتيجي من برا، وده لأن كوندي مرتاح في كتالونيا ومرغوب في الفريق.
