أسعار الأسمنت تشتعل اليوم الإثنين 5-5-2025 مع وصول الطن إلى 3350 جنيها
شهدت الأسواق المصرية صباح اليوم حالة من الهدوء والاستقرار في أسعار الأسمنت مع بداية الأسبوع الجديد، وسط ترقب واضح لدى المواطنين والمقاولين لتغييرات الأسعار، وعبر جولة سريعة داخل عدد من المناطق، الكل بيقول نفس الكلام، سعر الأسمنت النهاردة الإثنين 5 مايو 2025 استقر بدون تغييرات كبيرة، رغم توقعات ناس كتير إن الأسعار ممكن ترفع شوية قريب، وبالفعل ظهرت تقديرات إن الطن ممكن يزيد حوالي 100 جنيه.
سعر طن الأسمنت في أرض المصنع وصل لـ 3000 جنيه، ولما يروح المستهلك يشتريه من السوق ممكن يلاقيه متباع بـ 3000 لغاية 3350 جنيه للطن، أما حركة البيع والشراء، فهي ماشية بشكل طبيعي لحد دلوقتي، والموزعين متوفر عندهم الأسمنت بشكل كبير وفيه وفرة في السوق.
حركة السوق وارتفاعات سابقة
وقال أحمد الزيني رئيس شعبة مواد البناء في الغرفة التجارية بالقاهرة إن سعر الأسمنت ثابت اليوم، وده بعد ما حصلت زيادات بسيطة الأيام اللي فاتت، اتراوحت بين 30 و100 جنيه للطن، وطبعا حسب كل شركة وإنتاجها وطريقة تعبئتها، أضاف كمان إن الوضع في السوق متماسك، والأسعار متوقعة تفضل شبه مستقرة لشهر إبريل 2025، وممكن تطلع زيادة بسيطة لو حصل ضغط على الطلب.
صادرات الأسمنت المصري
اللافت كمان إن صادرات مصر من الأسمنت خلال آخر 3 سنين زادت بشكل ملحوظ، وده حسب بيانات المجلس التصديري لمواد البناء، في 2021 حجم الصادرات كان 465 مليون دولار، ارتفعت لـ 670 مليون دولار في 2022 بنسبة نمو 44%، وزادت كمان لـ 770 مليون دولار في 2023 بزيادة 14%، وفي أول 10 شهور من 2024 وصلت لـ 780 مليون دولار بنسبة نمو 12%، عدد الدول اللي بتستورد الأسمنت المصري وصل لـ 95 دولة، والدول الأفريقية جت في المقدمة.
الإنتاج في ازدياد
الإنتاج المحلي للأسمنت كمان في حالة نمو، حسب بيانات البنك المركزي المصري، إنتاج مصر من الأسمنت في الفترة من يناير ليوليو 2024 وصل لـ 25.39 مليون طن، مقارنة بـ 23.3 مليون طن نفس الفترة السنة اللي فاتت، بزيادة 2.091 مليون طن، وده ساهم في زيادة المعروض بالسوق واستقرار الأسعار، خاصة إن الأسمنت من أهم مكونات أي مشروع بناء في مصر.
هكذا يستمر استقرار سعر الأسمنت بالسوق المصري، مع توقعات بتحركات بسيطة خلال الفترة الجاية، وسط توافر كبير لديه عند جميع الموزعين والتجار، وتفاؤل بزيادة الصادرات لمستوى أعلى.
