أسعار الذهب ترتفع تدريجياً عالميًا ومحليًا مع تحديثات سعر الذهب اليوم في مصر
في متابعة يومية لحركة الأسواق العالمية، عاد الذهب ليشهد ارتفاع بسيط في الأسعار اليوم بعدما مر بفترة هبوط قصيرة، وذلك بالتزامن مع حالة ترقب واضطراب شديدة مسيطرة بين المتعاملين بسبب التطورات في محادثات التجارة بين الولايات المتحدة والصين، وبالرغم من أن الدولار الأمريكي تراجع شويه، لكن هذا التراجع كان كفيل يدفع الذهب للارتفاع نسبيا، وكأن السوق كله واقف على رجل ونص منتظر أي قرار أو خبر جديد.
الذهب يرتفع عالميا رغم التردد
سجلت أونصة الذهب قفزة بنسبة 0.7% وصلت بيها لأعلى سعر النهاردة عند 3330 دولار للأونصة، بحسب بيانات جولد بيليون، البداية كانت من 3310 دولار، وبعد كده الذهب اتداول حوالين 3327 دولار، الملفت كمان أنه مع بداية الجلسة كان السعر واصل لأدنى مستوى بقاله أربع جلسات عند 3274 دولار، لكن بسرعة حصل تعافي كويس، وده بعد موجة الهبوط اللي شافها المعدن الأصفر في الجلستين اللي فاتوا، وبرغم الحركة دي، التوقعات لسه شايفة أن أغلب الإغلاقات هتكون فوق 3300 دولار.
أحدث أسعار الذهب في مصر
في مصر، الأسعار بقت على النحو ده:
عيار 24 سجل 5428 جنيه.
عيار 21 وصل لـ 4750 جنيه.
عيار 18 وصل 4071 جنيه.
عيار 14 سجل 3166.75 جنيه.
الجنيه الذهب سجل 38000 جنيه.
أخبار وتطورات سياسية
وبما أن السياسة دايماً بتلعب دور في الاقتصاد، وقع الرئيس الأمريكي دونالد ترامب يوم الخميس اتفاقية تجارية مع المملكة المتحدة، ومع ذلك فضل محافظ على الرسوم الجمركية بواقع 10% على المنتجات البريطانية، وفي نفس الوقت، وافقت بريطانيا تخفض رسومها الجمركية من 5.1% إلى 1.8%، حركة متوقعة لتعزيز التجارة بين البلدين.
وفي تطور آخر، قال ترامب إنه متفائل جدًا بخصوص المفاوضات التجارية مع الصين، ومن المتوقع يحصل اجتماع مهم في آخر الأسبوع الحالي، ترامب كمان لمح إلى احتمال تخفيض الرسوم العقابية اللي بتفرضها أمريكا على بكين بنسبة ضخمة كانت وصلت 145%.
واضح أن السوق لسه مليان قلق وترقب، والكل منتظر الأخبار اللي ممكن تغير كفة الموازين سواء في السياسة أو الاقتصاد، وساعتها كل الحكاية هتظهر على سعر الذهب في لحظتها.
