أسعار الذهب تقفز اليوم الأحد 4 مايو 2025 وفقا لآخر التحديثات في الأسواق
تعيش أسواق الذهب حالة غير مسبوقة من الترقب وسط تغيرات مستمرة في الأسعار، حيث تحول الذهب في الأشهر الأخيرة لبطل الحكايات الاقتصادية في كل بيت مصري، الناس في الشارع يتحدثون عن ارتفاعاته وهبوطه بشكل يومي، وتحديداً مع دخول تعريفات جمركية أمريكية جديدة حيز التنفيذ، الأمر الذي خلى الكل متابع عن قرب ويحسبها بالورقة والقلم قبل ما يقرر يشتري أو يبيع.
الأسعار الجديدة للذهب في مصر اليوم
وصل سعر جرام الذهب عيار 24 إلى حوالي 5291.5 جنيه، في حين سجل جرام الذهب عيار 21 – الأكثر طلبا بين المصريين – سعر 4630 جنيه، أما عيار 18 فقد سجل سعر 3968.5 جنيه، وعيار 14 سجل 3086.75 جنيه، كمان بالنسبة للناس اللي بتسأل على الجنيه الذهب، فهو حاليا بـ37040 جنيه، ولسه فيه ناس شايفة إنه ممكن يغلى أكتر.
العوامل المؤثرة على الأسعار
الذهب معروف أنه ملاذ آمن وقت الأزمات الاقتصادية، خصوصاً إنه غير مرتبط بأي عائد ثابت، يعني الناس لما تحس بقلق أو تخوف من تقلبات السوق أو التضخم، بتروح تشتري ذهب، وده اللي بيخلي الأسعار تتحرك كتير في اليوم الواحد، ممكن تطلع أو تنزل من 15 لـ20 جنيه في الجرام فجأة، كل ده بيحصل نتيجة تأثير البورصة العالمية وعرض وطلب السوق المحلي.
تأثير القرارات الأمريكية
الأسواق الخارجية كمان مش هادية، خاصة بعد إعلان دونالد ترامب الرئيس الأمريكي عن زيادات جديدة في التعريفات الجمركية، وده فتح باب مخاوف جديدة من اندلاع حروب تجارية عالمية بين أمريكا ودول كتير، وده كله انعكس فوراً على أسعار الذهب اللي بتتغير على مدار اليوم بشكل ملحوظ.
وبالنسبة للأسعار اللي بنعرضها دلوقتي، فهي ممكن تتغير مع أي تحديث جديد في السوق، وكمان لازم المستهلكين ياخدوا بالهم إن فيه مصنعية وضريبة ودمغة بتُضاف على السعر الأصلي، بالإضافة لتأثر السوق بأسعار الذهب الفورية عالمياً، للمهتمين والمتابعين، حالة من الترقب تسيطر على الجميع والكل منتظر يشوف السوق هيرسى على إيه خلال الأيام الجاية.
