أسعار الذهب تقفز اليوم: شعبة الذهب تعلن قيمة المعدن الأصفر في مصر الأحد 4 مايو 2025
وسط حالة من الترقب والقلق في سوق الذهب المصري اليوم، أكدت شعبة الذهب أن الأسعار مازالت بتشهد حالة من التذبذب، وده واضح خصوصا في عيار 21 اللي بيدور سعره حوالين 4640 لـ 4650 جنيه للجرام، الفترة دي، الناس بقوا كل يوم يبصوا على الأسعار وكأنها مؤشر مهم على اللي بيحصل في السوق وأحوال الاقتصاد.
استقرار نسبي ولكن الحذر مستمر
بحسب تصريحات مصادر في شعبة الذهب، الأسعار اليوم الأحد 4 مايو 2025 جت على النحو التالي: عيار 24 سجل 5303 جنيه، وعيار 21 وقف تقريباً عند 4640 جنيه، وعيار 18 كان بـ 3977 جنيه، أما عيار 14 فكان سعره 3093 جنيه، وبالنسبة للجنيه الذهب، فسجل 37120 جنيه، أرقام تخلي كل واحد مهتم بالذهب سواء للتجارة أو للادخار يراقب كل تغير مهما كان بسيط.
تأثير الأزمات العالمية على السوق المحلي
اللي بيحصل في مصر مش منفصل عن اللي بيجرى في العالم كله، في الولايات المتحدة الأمريكية مثلًا، فيه حالة ملحوظة من القلق بسبب الضبابية الاقتصادية وكمان ارتفاع نسب التضخم نتيجة الأزمات المتراكمة من أزمة كورونا لحد التوترات الجيوسياسية والحرب التجارية، ناس كتير حتى هناك بقوا مش عارفين الوضع رايح على فين، وده بينعكس بنسبة كبيرة على أسعار الدهب هنا.
اقتصاد أمريكا حجمه تقريبا 27 تريليون دولار، وده أكبر اقتصاد في العالم، وييجي بعده الاقتصاد الصيني بناتج محلي أكثر من 18 تريليون دولار، مع قوة الاقتصادات دي، أي اهتزاز بيحصل هناك لازم يكون ليه تأثير علينا هنا حتى في سعر الدهب.
تراجع عالمي في سعر الذهب
الأسبوع اللي فات كان الدهب العالمي بيعيش موجة من النزول، وده بعدما كان وصل لأعلى مستوى تاريخي عند 3500 دولار للأونصة ورجع ينخفض بعد هدوء نسبي في الأسواق المالية، التحليل الأخير لجولد بيليون أكد إن أونصة الدهب العالمي سجلت تراجع حوالي 2.4%، ووصل السعر لأقل مستوى من أسبوعين عند 3201 دولار للأونصة وبعدين قفل عند 3240 دولار، بعدما كان بدأ الأسبوع على سعر 3326 دولار.
باختصار، رغم كل التغيرات، سوق الذهب في مصر لسه بيعيش حالة من الترقب، والناس فعلا كل يوم على أعصابهم منتظرين يشوفوا إيه اللي جاي.
