ارتفاع جديد: أسعار الأسمنت اليوم الأحد 4 مايو 2025 تتخطى حاجز 3350 جنيهًا للطن
تعيش الأسواق المصرية هذه الأيام حالة استقرار ملحوظة في أسعار الأسمنت، بعدما شهدت الفترة الماضية زيادة طفيفة في الأسعار أثارت بعض القلق بين المقاولين والمستهلكين على حد سواء، ويؤكد المتابعون أن الأسمنت، باعتباره أحد العناصر الأساسية في قطاع البناء والتشييد، يظل تحت المجهر من جميع الأطراف سواء من شركات المقاولات أو العملاء الراغبين في بناء وحدات سكنية أو حتى تشطيب منازلهم، المستهلك المصري يريد يعرف على طول إزاي الأسعار بتتحرك خصوصا مع الظروف الاقتصادية الحالية، في ضوء ذلك، ظهرت تصريحات هامة من أحمد الزيني، رئيس شعبة مواد البناء بالغرفة التجارية بالقاهرة، عن آخر تطورات سوق الأسمنت اليوم.
استقرار نسبي بعد زيادة طفيفة
أوضح أحمد الزيني أن سعر طن الأسمنت مستقر حاليا في الأسواق بعد ما زاد مؤخرا من 30 لـ 100 جنيه للطن، وده طبعا حسب الشركة ونوعية المنتج، لو حد فكر يجيب طن أسمنت النهارده من المصنع، هيلاقي متوسط السعر حوالى 3 آلاف جنيه، أما بالنسبة للمستهلك النهائي فالأسعار بتتراوح من 3000 لـ 3350 جنيه للطن، وده بيخلي فيه هامش للربح بيستفيد منه الموزعين وتجار التجزئة.
توقعات الفترة الجاية واستقرار المعروض
أكد كثير من موزعين الأسمنت إن المعروض متوفر بشكل كبير جدا، وده ساهم في تثبيت الأسعار وماخلاش فيه نقص ممكن يدفع بالأسعار للارتفاع الجنوني، أغلب التوقعات بتقول إن الأسعار هتفضل في نفس المستوى خلال الشهور الجاية، مع وجود احتمالية ضعيفة لزيادة طفيفة مش هتأثر قوي على السوق، البعض بيقول بكرة ممكن نشوف زيادة تانية حوالي 100 جنيه كمان في الطن، لكن الشركة والموزع هما اللي هيحددوا ده.
نمو الصادرات المصرية وزيادة الإنتاج
ملحوظ كمان إن صادرات مصر من الأسمنت سجلت أرقام مرتفعة جدا خلال آخر تلات سنين، وعلى حسب بيانات المجلس التصديري لمواد البناء، الصادرات زادت من 465 مليون دولار في 2021 ووصلت 780 مليون دولار في أول 10 شهور من 2024، وعدد الدول اللي بتستورد أسمنت مصري وصل 95 دولة، وأفريقيا في المقدمة، ده كمان انعكس على الإنتاج اللي ارتفع حسب بيانات البنك المركزي المصري ووصل لـ25.39 مليون طن من يناير ليوليو 2024، مقارنة بـ23.3 مليون طن في نفس الفترة من 2023.
كل دي عوامل بتخلي السوق شبه متزن ومستقر وبتدي أمل لأي شخص شغال في القطاع أو بيفكر يبني أو يشطب إنه مفيش تغيرات كبيرة متوقعة في الأسعار في الوقت الحالي.
