ارتفاع لافت للذهب اليوم الخميس 8 مايو 2025 مع وصول الجنيه الذهب إلى 38720 جنيها
تشهد أسواق الذهب في مصر حالة من الترقب يوم الخميس الموافق 8 مايو 2025، وسط تغيرات واضحة في الأسعار المحلية بالتوازي مع التحركات العالمية، المواطنين وأصحاب المحلات وحتى المستثمرين بقوا مستنيين يشوفوا الأسعار هتتجه لفين، خاصة بعد ما بقى كل يوم تقريبا فيه كلام جديد عن الذهب وسعره بسبب الأحداث اللي بتحصل برا وجوة البلد، ومن الملاحظ أن أسعار الذهب بتتأثر بشكل واضح بحركة الأسعار عالميا وكمان بالتقلبات الاقتصادية اللي بتحصل في أمريكا وأوروبا، لدرجة إن كتير من الناس بقوا يفتحوا الإنترنت أو يسألوا كل يوم عن السعر قبل ما يشتروا أو يبيعوا.
أسعار الذهب النهاردة في مصر
ويواصل الذهب في السوق المصري التفاعل مع الأسعار العالمية بشكل سريع، النهاردة الخميس، سجل سعر جرام الذهب عيار ٢٤ حوالي ٥٥٣٠ جنيه، وعيار ٢١ اللي عليه أكبر طلب ما بين المصريين وصل ٤٨٤٠ جنيه للجرام، أما عيار ١٨ سجل تقريبا ٤١٤٩ جنيه للجرام، ولو أنت من اللي بيحبوا يستثمروا في الجنيهات الذهب، النهاردة وصل سعر الجنيه الذهب الواحد حوالي ٣٨٧٢٠ جنيه، وده رقم يعتبر عالي مقارنة بفترات سابقة.
تأثير الأوضاع العالمية على سعر الذهب
سوق الذهب مش في معزل عن اللي بيحصل برا، النزاعات التجارية اللي بتتصاعد بين أمريكا ودول تانية بسبب قرارت دونالد ترامب بزيادة التعريفات الجمركية رجعت تبان تاني، وده تسبب في وجود مخاوف عند المستثمرين والمتابعين خصوصا من تكرار سيناريوهات حروب تجارية قبل كده، القرار الأمريكي الأخير حرك المياه الراكدة وأدى تذبذب واضح في أسعار الذهب عالميا، ناس بتشتري وناس بتبيع والكل خايف الأسعار تعلى أكتر.
الوضع ده خلى السوق المصري يمشي وراء السوق العالمي زي ظله، كل حركة أو قرار أو حتى شائعة بتأثر على التعاملات اليومية للذهب في مصر، وده أمر طبيعي في ظل الاقتصاد العالمي المفتوح اللي بقينا عايشين فيه واللي كل صغيرة وكبيرة فيه بتأثر علينا إحنا كمان.
