ارتفاع مفاجئ لأسعار الذهب اليوم في مصر الاثنين 5 مايو 2025
شهدت سوق الذهب في مصر خلال الأيام الأخيرة حالة من الحراك الملحوظ، بعدما سجلت الأسعار تراجعات واضحة أثارت اهتمام كل من يتابع حركة السوق سواء من المستثمرين أو المواطنين العاديين اللي بيشتروا ذهب للزينة أو الادخار، وتعود هذه التحركات بشكل أساسي للضغوط اللي بتشهدها أسعار الذهب على المستوى العالمي، مع استقرار سعر الجنيه المصري أمام الدولار وغياب المفاجآت الكبيرة في سعر الصرف.
أسعار الذهب اليوم في السوق المصري
وهنا بنلاقي إن سعر جرام الذهب من عيار 24 وصل لـ5303 جنيهات، أما عيار 21 اللي معظم الناس بيفضلوه، فسجل 4640 جنيها للجرام، بالنسبة لعيار 18 فهو حوالى 3977 جنيها، وعيار 14 الأقل انتشار وصل لـ3093 جنيها، سعر الجنيه الذهب كمان انخفض وبقى حوالى 37120 جنيها لوزن 8 جرام من عيار 21.
انخفاضات أسبوعية ومؤشرات هدوء في السوق
أكد وصفي، أحد كبار تجار الذهب، في تصريحات صحفية إن عيار 21 سجل تراجع قدره 150 جنيه خلال أسبوع، بعدما كان بدأ تداولاته عند 4790 جنيها ونزل لأدنى مستوى له عند 4620 جنيها، قبل ما يرتد تاني شوية ويقف عند 4640 جنيها، وقال كمان إن المحرك الأساسي لانخفاض الذهب في مصر هو تراجع الأسعار عالميا في الوقت اللي الجنيه والدولار فيهم استقرار نسبي.
تراجع الطلب على شراء الذهب
بيانات مجلس الذهب العالمي كشفت إن مشتريات المصريين من الذهب انخفضت بشكل ملحوظ في الربع الأول من 2025 وبلغت 11.1 طن، وده أقل بـ16% من نفس الفترة السنة اللي فاتت، وصفي أرجع التراجع ده إلى إن الطلب على الذهب بدأ يهدأ بعدما كانت الناس بتلجأ إليه كملاذ آمن في أوقات الأزمات الاقتصادية وتغيرات سعر الصرف.
توقعات الأسعار العالمية وتأثيرها على السوق المحلي
العين دلوقتي على الأسعار العالمية اللي بتتراجع للأسبوع التاني على التوالي بسبب ضعف الإقبال على الذهب كملاذ آمن بعد تعافي الدولار وهدوء التوترات التجارية، التقارير بتقول كمان إن البيانات الأمريكية الإيجابية في سوق العمل ضغطت أكتر على أسعار الذهب العالمية.
واتكلم وصفي كمان عن إن سعر الأونصة العالمية قرب من 3200 دولار، ولو انكسر المستوى ده ممكن نشوف المزيد من التراجع، في مصر، عيار 21 وصل لأدنى نقطة عند 4620 جنيها لكن رجع يعوض جزء من الخسارة، وده بيخلي الكل مترقب للحركة الجاية في أسعار الذهب سواء عالميا أو محليا.
