اعرف تنسيق الثانوية العامة 2025 بعد الشهادة الإعدادية ودرجات القبول في المحافظات
مع اقتراب إعلان نتيجة الشهادة الاعدادية، بدأ أولياء الأمور والطلاب يتساءلون بلهفة: عن ما هو تنسيق الثانوية العامة 2025 بعد الشهادة الإعدادية السؤال ده بقى تريند على مواقع التواصل، وده طبيعي لأن التنسيق هو المفتاح لدخول الثانوية العامة، واللي بتحدد مستقبل الطالب بعد الاعدادية، في التقرير ده، هنتعرف مع بعض على تنسيق دخول الثانوية العامة 2025/2026 بعد الاعدادية، وهنوضح توقعات الدرجات في كل محافظة بناءً على معدلات الأعوام السابقة.
توقعات تنسيق الثانوية العامة 2025
تنسيق العام ده مش هيختلف كتير عن السنين اللي فاتت، لأن نسب النجاح متقاربة، وزارة التربية والتعليم هتعلن رسميًا عن درجات القبول قريبًا، بس لحد ما يحصل ده، دي قائمة بالتنسيق المتوقع في بعض المحافظات:
| المحافظة | التنسيق المتوقع |
|---|---|
| القاهرة | 232 درجة |
| الجيزة | 225 درجة |
| الإسكندرية | 220 درجة |
| الشرقية | 240 درجة |
| الدقهلية | 249 درجة |
| البحيرة | 245 درجة |
| القليوبية | 230 درجة |
| المنيا | 224 درجة |
| الغربية | 233 درجة |
| سوهاج | 245 درجة |
| أسيوط | 243 درجة |
| المنوفية | 242 درجة |
| قنا | 258 درجة |
| كفر الشيخ | 254 درجة |
| الفيوم | 230 درجة |
| بني سويف | 233 درجة |
| أسوان | 220 درجة |
| دمياط | 233 درجة |
متي يظهر تنسيق الثانوية العامة؟
وزارة التربية والتعليم بتعلن التنسيق بعد ظهور نتيجة الشهادة الاعدادية بفترة قصيرة، وغالبًا بيكون في الأسبوع الأول من شهر يوليو.
وفي العادة، التنسيق بيكون على 3 مراحل: أول مرحلة لأعلى المجاميع، والثانية للدرجات المتوسطة، والثالثة لاستكمال الأعداد المطلوبة.
الأوراق المطلوبة لتقديم الثانوية العامة 2025
عشان الطالب يقدم في مدرسة ثانوي عام، لازم يجهز شوية أوراق مهمة، وهي:
- صورة أصل شهادة الإعدادية
- بيان نجاح معتمد
- شهادة ميلاد كمبيوتر
- صور شخصية حديثة
- استمارة التنسيق من المدرسة
- إيصال سداد المصاريف من البريد
- ملف تقديم المدرسة
لو مجموعك في حدود تنسيق محافظتك، فرصتك كبيرة في القبول، لو درجتك أقل بحاجة بسيطة، ممكن تستنى المرحلة التانية من التنسيق، كمان، في مدارس ثانوي خدمات بيكون تنسيقها أقل وبتوفر فرص بديلة.
في النهاية تنسيق الثانوية العامة 2025/2026 هو خطوة مهمة في مشوار كل طالب، ونتمنى التوفيق لكل الطلبة في اختيار الطريق اللي يناسبهم.
