الاتحاد الآسيوي يوفر أجهزة إعادة على الدكه.. قرار جديد يغير البطوله
في خبر مهم نشره الإعلامي بدر بالعبيد، كشف انو الاتحاد الآسيوي لكرة القدم ناوي يطوّر من تجربة الفرق المشاركه في بطولة دوري أبطال آسيا، من خلال توفير أجهزة إعادة البث على مقاعد البدلاء للفرق كلها، خطوة قال عنها بالعبيد انها راح تكون فارقه ومهمه جدا.
القرار الجديد يهدف إنه يساعد الطاقم التدريبي والطبي بأكثر من جانب، أول شي من الناحية التكتيكية، يعني المدربين يقدرو يشوفو لقطات معاده على طول، وهذا الشي بيخليهم يتخذو قرارات أسرع واحسن في الملعب.
ومن الناحية الطبيه، كمان الأجهزة هذي تتيح للطقم الطبي إنهم يراجعو اللقطات وقت ما لاعب يصاب، عشان يقررو إذا يحتاج يتبدل أو يكمل، يعني الوضع صار أدق وسريع بنفس الوقت.
واللي مميز في الموضوع كمان ان الكاميرات راح تكون بزوايا مختلفة، وهذا يعطي نظرة أوضح عن الاصابات ومدى خطورتها، وبالتالي تضمن سلامة اللاعب وتقلل من القرارات الخاطئه.
القرار هذا يعتبره كثير من المتابعين خطوه متقدمه من الاتحاد الآسيوي عشان يرفع من مستوى الاحترافيه في البطوله، ويخلي الفرق تعيش تجربه أقرب للدوريات الأوروبيه الكبيرة.
الناس على السوشيال ميديا تفاعلوا مع القرار، فيه اللي شافه ممتاز وفيه اللي قال ممكن يخلق جدل خصوصا إذا صارت الاعاده مصدر خلاف بين المدربين والحكام.
