الدرعية يفاجئ جمهوره بإنهاء عقد مدربه بعد صعوده التاريخي
في خبر فاجأ كثير من جماهيره، أعلن نادي الدرعية، اللي صعد الموسم هذا لأول مره لدوري الدرجه الأولى، عن إنهاء عقد مدربه البرتغالي فابيانو فلورا مع كامل الطاقم الفني حقه، رغم إن المدرب ساهم بشكل كبير في الصعود التاريخي من دوري الدرجة الثانية.
وفي نفس الوقت، قررت إدارة النادي فك الارتباط مع الثلاثي الأجنبي ديمبلي وآرثر وتافاريس، واللي كانوا من عناصر النجاح هالموسم، بينما راح يستمر السنغالي موسى ماريغا مع الفريق الموسم الجاي.
برضو غادر ثلاثه لاعبين محليين: نايف جذمي، ومحمد التويجري، ومشاري التويجري، ليصير عدد المغادرين ستة لاعبين.
النادي ناوي يدخل سوق الانتقالات الصيفيه بقوه، وهدفهم واضح: بناء فريق قوي من لاعبين محليين على خمس سنوات، والطموح يوصلهم لدوري روشن بالمستقبل القريب.
المصادر تقول إن فيه اتفاق قريب مع مدرب جديد، بس الإدارة للحين ما أعلنت عن اسمه، وتفضل تخلي الموضوع سري شوي لين يتم التوقيع الرسمي.
الإدارة كمان تشتغل على استقطاب محترفين أجانب مميزين، بس للحين ما في شي رسمي، كل التركيز حالياً على حسم ملف المدرب أول.
