انطلاقة جديدة: مجموعة طلعت مصطفى تعلن عن بدء المرحلة الثانية من مشروع SouthMed بأسعار تنافسية ومزايا استثمارية
من الساحل الشمالي، أعلنت مجموعة طلعت مصطفى عن إطلاق المرحلة الثانية من مشروعها الضخم SouthMed وسط أجواء دعائية صاخبة شارك فيها النجم العالمي سيلفستر ستالون واللاعب الشهير تييري هنري، وبصراحة الكل بقى يتكلم عن الإعلان الضخم اللي اتعرض في كل مكان تقريبًا، الحكاية مش مجرد مشروع عقاري عادي، لأ دي رؤية جديدة وخطة ضخمة لتغيير مفهوم السياحة على البحر المتوسط، مشروع SouthMed جاي علشان ينافس وجهات السياحة العالمية، يعني من الآخر مش هتحتاج تسافر بره مصر تدور على أماكن راقية، كل اللي نفسك فيه هتلاقيه هنا.
وجهة عالمية حرفيًا
الإعلان الأخير عرض الخدمات والمزايا اللي بتقدمها SouthMed، بداية من الشقق والوحدات السكنية الفخمة والفيلات اللي ليها إطلالات بانورامية وجولف لاونجز ومارينا عالمية لليخوت وشواطئ في منتهى الجمال، كل ده مع أجواء ساحرة ومناخ معتدل، وخدمات عالمية مابتقلش عن سانتوريني أو أمالفي.
تصميمات عالمية ومساحات خضراء ضخمة
المشروع بيغطي مساحة 23 مليون متر مربع، معمول بأعلى المعايير العالمية في التصميم، من خلال شركات OBMI و SWA، أما المساحات الخضراء والمسطحات المفتوحة فهي متصلة مع ملاعب الجولف وحمامات السباحة، كمان متوفر شاليهات على اللاجونز وفيلات بشواطئ خاصة وشقق بتطل على المارينا، وكل التفاصيل معمولة عشان تدي خصوصية وفخامة.
موقع استراتيجي ومارينا عالمية
الميزة الأهم في المشروع هي الموقع، قريب جدًا من مطار العلمين والشاطئ طوله 8 كيلو، متقسم على بحيرات صناعية طولها 107 كم، مع ميد مارينا اللي تعتبر أكبر مارينا لليخوت في البحر المتوسط، فيها مطاعم وكافيهات عالمية ومحلات تجارية وخدمات رجال أعمال حديثة.
خدمات وترفيه على مدار السنة
SouthMed مش بس مكان للسكن، هو كمان وجهة ترفيهية طول السنة، أول ملعب جولف 18 حفرة في الساحل الشمالي موجود هناك، وفيه ممشى ساحلي ومراكز ترفيه وتسوق عالمية ومدينة ملاهي ومنطقة أنشطة رياضية وثقافية.
المرحلة الأولى شغالة على قدم وساق
شغل التنفيذ في المرحلة الأولى شغال 24 ساعة، والمعدات بتشتغل في الموقع على طول وتم حفر وتسوية أراضي ضخمة، وكمان البدء في طريق الشاطئ الدولي Kyma Beach اللي هتكون من أفضل الأماكن لعشاق الأكل اليوناني بإطلالة ولا أروع على البحر.
باختصار طلعت مصطفى بتراهن إن SouthMed هتكون الوجهة الأولى للسياحة والترفيه في مصر والشرق الأوسط، الناس كلها منتظرة تشوف النتيجة، وفعلا المشروع ده غير أي حاجة اتعملت قبل كده في الساحل.
