بلد الوليد يودّع رونالدو وصفقة البيع تمشي بخطا سريعه للأمام

يبدو إن نادي ريال بلد الوليد الإسباني خلاص داخل على مرحله جديده من تاريخه، بعد ما وصلت مفاوضات بيع النادي لمرحله متقدمه جداً، والكل يتوقع إن الصفقه تخلص خلال كم اسبوع قدام.

رونالدو نازاريو، النجم البرازيلي السابق ومالك النادي حالياً، قدر يوصل لإتفاق مبدأي مع مستثمر جديد، وقيمت الصفقه توصل لحوالي 40 مليون يورو، يعني أكثر من التوقعات اللي كانت تقول إنها ما راح تتعدى 39 مليون.

الفتره الأخيره كانت صعبه على النادي، خصوصاً من الناحيه الماليه، واضطر رونالدو يضخ 6 مليون يورو زياده في فترة الكريسماس عشان يوازن ميزانية النادي مؤقتاً ويحافظ على الإستقرار لين تنتهي عملية البيع.

وإلى الحين، ما تم الإعلان رسمي عن هوية المشتري، لكن المصادر تقول إن المجموعه المكسيكيه الأولى انسحبت من المفاوضات، وراح يكون التنافس بين مستثمرين، واحد مصري والثاني مكسيكي، بينما كل رجال الأعمال المحليين تم استبعادهم من اللعبه.

رونالدو جلس 7 سنين على رأس النادي، بس المرحله هذي ما كانت سهله، النادي نزل من الليغا ثلاث مرات، ومشاريع البنى التحتية ما مشت زي ما كان متوقع، وبدت جماهير النادي تطالب برحيله.

واضح إن مرحلة جديدة بتبدأ، والكل مترقب يشوف وش بيصير بعد ما يتغير المالك.