بيولي يحسم مستقبله ويفضل البقاء ف النصر ويرفض عرض روما
طلعت تقارير صحفيه جديده النهارده بتتكلم عن مستقبل المدرب الإيطالي ستيفانو بيولي، مدرب نادي النصر السعودي، وده وسط الكلام الكتير اللي انتشر عن قرب رحيله واحتمال تدريبه لفريق روما الإيطالي.
وبحسب شبكة “بلانيتا روما”، بيولي بلغ إدارة روما بشكل رسمي إنه حابب يكمل مع النصر ومش ناوي يفتح باب التفاوض معاهم، وده بيعتبر مفاجأه كبيره خصوصًا إن اسمه كان مطروح بقوه لخلافة المدرب الحالي هناك.
الشبكه ما قالتش ليه بالظبط المدرب خد القرار ده، بس ناس كتير شايفين إن بيولي مرتاح ف السعوديه، والنصر موفر له كل الإمكانيات اللي بيحتاجها، وده خلاه يقرر يستقر ويكمل مشروعه هناك بدل المغامره برجوعه لإيطاليا.
وفي نفس الوقت، النصر بيستعد لمباراته الجايه قدام ضمك ضمن الجوله 29 من دوري روشن، وسط تركيز كبير من بيولي واللاعبين لحسم النتيجه ومواصله المنافسه.
قرار بيولي جاب ارتياح كبير لجمهور النصر، اللي شايف إنه عمل شغل كويس ومستني منه الأفضل الفتره الجايه.
