تيتي يصدم الجماهير ويعلن انسحابه من التدريب والراحه لأجل الصحه
فاجئ المدرب البرازيلي تيتي، المدير الفني السابق لمنتخب البرازيل، جماهير الكوره بخبر غير متوقع بعد ما ارتبط اسمه بالفتره الاخيره مع انديه كبيره زي الهلال السعودي، خصوصا بعد تراجع مستوى الفريق مع المدرب خيسوس.
لكن تيتي قال كلمته واكد في بيان رسمي نقلته قناة CNN البرازيليه، إنه قرر ياخد راحه طويله من مجال التدريب، ومش ناوي يدخل في اي مفاوضات جديده في الفتره دي، وده كله عشان يهتم بصحته النفسيه والجسديه.
وقال تيتي: “انا بحب الشغل بتاعي جدا، بس وصلت لمرحله حسيت فيها ان جسمي بيبعتلي إشارات اني محتاج اقف، واتكلمت مع العيله وقررنا إن الراحه دلوقتي هي القرار الصح”.
واضاف: “انا مش بقول اني هبعد للأبد، بس الوقف حالياً هو لمصلحتي”.
وبالنسبه للهلال، فالفريق عنده ماتش مهم في دوري نخبة آسيا يوم الجمعه قدام جوانغجو الكوري، في ربع النهائي على ملعب مدينة الملك عبدالله الرياضيه بجده، والمدرب خيسوس لسه مستمر رغم الانتقادات.
