جاسوس ياباني يتسلل لتدريبات الأهلي قبل نهائي نخبة آسيا المنتظر

شهد مران الأهلي النهارده حاجه غريبة، لما اتفاجئ الجهاز الفني للفريق الأول لكرة القدم بوجود “جاسوس” ياباني في نص التمرين، وده قبل المواجهة اللي هتكون قدام كاواساكي الياباني في نهائي دوري أبطال آسيا للنخبة.

المدرب الألماني يايسله لاحظ وجود واحد غريب وسط التدريبات اللي كانت مغلقة، ولما اتأكد إنه صحفي ياباني، راح له ومعاه أفراد من الجهاز الفني وطردوه برا المران فورًا، عشان يمنعوا أي محاولة لتسريب خطة الفريق اللي بيجهزها للنهائي الكبير.

اللقاء المرتقب هيكون يوم السبت الجاي ٣ مايو، الساعة ٧:٣٠ مساءً على ملعب الإنماء في جدة، والجمهور مستني المباراة بفارغ الصبر.

الأهلي كان قدر يتأهل للنهائي بعد ما كسب الهلال ٣-١ في مباراة نص النهائي، أما كاواساكي، فقد صعد بعد ما تغلب على النصر ٣-٢.

الجهاز الفني للأهلي بيحاول يركز ويقفل على اللاعيبة تمامًا، خصوصًا بعد محاولة التجسس دي، والكل حاطط عينه على اللقب القاري اللي الجماهير بتحلم بيه.