جامعة القاهرة الأهلية هتبدأ الدراسه رسمى من السنه الجايه 2025 – 2026
أعلن الدكتور محمد سامى عبدالصادق، رئيس جامعة القاهره، إن الدراسه خلاص هتبتدى رسميًا فى جامعة القاهرة الأهليه ابتداءً من السنه الدراسيه الجديده 2025/2026، بمقرها الجديد فى وصلة دهشور بـ مدينة 6 أكتوبر.
الدكتور سامى قال إن الجامعه هتفتح أبوابها بـ 14 كليه و22 برنامج دراسي متطور، ودي كلها معموله على أعلى مستوى عشان تواكب احتياجات سوق العمل سواء فى مصر أو بره، خصوصًا فى مجالات الطب والهندسه والذكاء الإصطناعى والإعلام والاقتصاد.
وأكد إن الجامعه هتقدم تعليم مختلف ومتميز، بيعتمد على الإبداع والتفكير النقدي، وكمان بتركز على الشق العملى مش بس النظري، وده كله بالتعاون مع جامعات دولية كبيرة.
وأشار إن الدراسة جاية ضمن خطة الدولة علشان توسع التعليم الجامعى وتقدم فرص أكتر للشباب، وكمان تساهم في التنمية المستدامة.
أما عن التقديم، ففتح باب التقديم هيبدأ من يوم الأحد 4 مايو، وهما هيعلنوا قريب عن كل تفاصيل التقديم والمصروفات.
ومن ناحيته، قال الدكتور محمد العطار، مساعد رئيس الجامعة، إن البرامج الدراسية اللى هتبدأ بيها الجامعه كتير ومتنوعه، زى الطب، وطب الأسنان، والصيدله، والهندسه، والذكاء الاصطناعى، والعلوم، والإعلام، والقانون، والتربية للطفوله المبكره، وغيرهم.
واللى عنده استفسار ممكن يروح مقر الجامعة فى أكتوبر، أو يبعتلهم على الإيميل، أو يزور موقعهم الرسمي على الإنترنت.
