جول كوندي يحاول يحل مشكلته مع الوقت قبل مواجهات الحسم
جول كوندي، مدافع برشلونة القوي والمعروف بمرونته البدنيه، يواجه مشكله غريبه شوي عن لاعب محترف، وهي التأخير عن المواعيد! رغم انه من افضل المدافعين بالفريق، بس المدرب فليك ما يتهاون بهالشي، واللي صار له تأثير على مشاركة كوندي بمباريات مهمه.
ثلاث مرات تأخر فيها كوندي عن المحاضرات أو التمارين، قدام ألافيس وإسبانيول ورايو فايكانو، ووقتها فليك استبعده من التشكيله الاساسيه، لأنه صارم جداً بموضوع الانضباط.
كوندي حاول بالبدايه يعتمد ع نفسه ويلتزم، بس ما نفع، فقرر يطلب من رجال الامن اللي يرافقونه ينبهونه قبل ربع ساعه من بداية أي محاضره او اجتماع مع المدرب. والطريف ان الطريقه اشتغلت!
فليك للحين ما علق كثير، لكن الكل يعرف انه ما يحب الاخطاء تتكرر، خصوصاً ان الفريق داخل على مباريات مهمه قدام إنتر ميلان بالدوري الابطال، ومعركه صعبه بالدوري الاسباني.
كوندي الحين مركز ويبي يثبت نفسه، وان شاء الله مايتأخر مره ثانيه، لأنه من ركائز الدفاع، وبرشلونة محتاج له بكامل تركيزه وجهده.
