جيمي فاردي على رادار ولفرهامبتون بعد رحيله من ليستر سيتي رسميًا
قالت تقارير صحفيه بريطانيه إن نادي ولفرهامبتون حاطط عينه على النجم الإنجليزي جيمي فاردي، بعد ما أعلن نادي ليستر سيتي عن رحيله في نهايه الموسم ده، وده بعد ما الفريق هبط للدرجه الأولى مره تانيه.
فاردي، اللي عنده 38 سنه، لسه شايف إنه قادر يلعب في البريميرليج، ومش حابب فكرة اللعب في الشامبيونشيب، وعلشان كده ممكن يكون عرض ولفرهامبتون بالنسباله فرصه ذهبيه يكمل بيها مشواره الكروي على أعلى مستوى.
صحيفة “ذا صن” البريطانيه كانت أول من كشف عن اهتمام ولفرهامبتون باللاعب، وأكدت “سكاي سبورتس” إن فاردي مش ناوي ينزل درجه تانيه، وده يخلي احتمالية انتقاله لـ ولفز كبيره جدًا.
فاردي شارك مع ليستر الموسم ده في 33 ماتش، سجل فيهم 8 أهداف وصنع 3، ورغم سنه الكبير إلا إنه لسه بيقدم مستويات حلوه وشايف إنه يقدر يدي أكتر.
الايام الجايه ممكن تشهد تطورات مهمه بخصوص مستقبله، والجمهور منتظر يشوف الفهد الإنجليزي هيروح فين.
