خطط تطوير كبرى: تفاصيل دور القابضة للصناعات الكيماوية في تحديث شركات الأسمدة التابعة وأهمها كيما
وسط حراك واضح لدعم الاقتصاد المصري وضمان الاكتفاء الذاتي للزراعة، تواصل الشركة القابضة للصناعات الكيماوية خطواتها الجادة في تطوير شركات الأسمدة التابعة لها، الخطوات دي بتقودها إدارة الشركة برئاسة عماد الدين مصطفى، واللي شغلها اليومين دول مش بس تطوير ولكن إعادة هيكلة بطريقة هتعلي قدر الانتاج المحلي وكمان تفتح باب جديد للتصدير وتوسع حضور مصر في سوق الأسمدة العالمية.
مشروعات تطوير واسعة في شركات الدلتا والنصر وكيما
الخطة اللي وضعتها الشركة مش بس شكلية، لأ، دي بتشمل فعلا تطوير في ثلاث شركات كبار: الدلتا للأسمدة، النصر للأسمدة، وبالذات كيما اللي الناس كلها بتتكلم عنها اليومين دول، ولو جينا نتكلم بالتفاصيل، هنلاقي في الدلتا للأسمدة بمدينة طلخا، انطلقت فعلا خطة متكاملة على مرحلتين، المرحلة الأولى فيها شغل على إعادة تشغيل مصنعي الأمونيا واليوريا باستثمار حوالي 60 مليون يورو، مع التركيز على معايير الأمان والبيئة اللي الدولة مهتمة بيها أوي اليومين دول، أما المرحلة التانية، فبتسعى لتوسيع المصنع ورفع إنتاجيته بالشراكة مع مستثمر استراتيجي، باستثمار يقترب من 450 مليون يورو، والدراسات المطلوبة كلها جاهزة خلاص، ومستنيين الطرح للمستثمر.
مشروعات جديدة ونقلة نوعية في النصر للأسمدة
أما شركة النصر للأسمدة بالسويس، فخطة التطوير هناك ضخمة، فيها إنشاء مصنع جديد للأمونيا بطاقة 1350 طن في اليوم، وكمان مصنع أمونيا خضراء ليدخلوا اقتصاد مصر جوه المعادلة العالمية للاقتصاد الأخضر، بطاقة 1000 طن يوميا، وبرضه نفذوا بالفعل محطة لمعالجة الصرف الصناعي بتكلفة 13.5 مليون يورو، ودي وفرت ٨٥٪ من المياه اللي الشركة محتاجاها للإنتاج.
تطوير ضخم في كيما أسوان لتلبية السوق وزيادة التصدير
وفي كيما أسوان بقيادة عبد المجيد حجازي، الجاري حاليا مشروع لتطوير مصانع النترات القديمة بقيمة 300 مليون يورو، المشروع ده هيحقق زيادة قوية في الطاقة الانتاجية ويحسن جودة المنتج المصري من النترات والأسمدة، ويوفر احتياجات السوق ويجهز الشركة لزيادات مرتقبة في التصدير.
استثمارات ضخمة وفرص عمل جديدة
كل مشروعات التطوير دي بتكلفة اجمالية تقارب 1.5 مليار دولار، وبتتجه الشركة القابضة لإنجازها بمشاركة القطاع الخاص عشان يساهم في تمويل المشروعات ويوفر العملة الصعبة، واللي ممكن يهم ناس كتير إن المشروعات دي هتفتح فرص عمل جديدة بصورة كبيرة، وتساعد أد كده وأكتر في دعم مسار التنمية في مصر، وتحط اسمها كلاعب فاعل في عالم صناعة وتجارة الأسمدة عالميًا.
