رافينيا يكشف عن عرض الهلال الخيالي ويعلق: كان صعب ارفضه

كشف البرازيلي رافينيا نجم برشلونه عن تفاصيل العرض الخرافي اللي وصله من نادي الهلال السعودي، واللي وصلت قيمته لـ200 مليون يورو على أربع مواسم.

وقال رافينيا فـ تصريحات لشبكة “TNT” البرازيليه: “الارقام كانت مفاجئه، ولو كان العرض ده جالي السنه اللي فاتت، كنت وفقت علطول بسبب ظروفي النفسيه”.

رافينيا أضاف: “اللي يقول إنه مش هيتأثر بعرض زي ده بيكدب، من المستحيل متفكرش فـ تغيير حياتك كلها بالمبلغ ده”.

ورغم الاغراءات الكبيره، رافينيا قرر يكمل مشواره فـ اوروبا، وقال إنه عايز يركز على احلامه الكرويه اكتر من الفلوس.

وفي حديث تاني مع “غلوبو إسبورتي”، كشف رافينيا إنه كان خلاص قرب يوافق على العرض السعودي، بس دعم المدرب الجديد هانزي فليك ليه فـ برشلونه خلاه يغير قراره.

واختتم كلامه بالتأكيد على ان الاستقرار النفسي للاعب هو اهم حاجه، لان العقل السليم بيأثر على جسمك واداءك فـ الملعب.
رافينيا كسب الرهان وقرر يكمل حلمه مع البرسا!