فليك يحمس لاعبين برشلونة بعبارات ع الحيط قبل المراحل الحاسمه
مدرب برشلونه الجديد هانسي فليك شكله ناوي يدخل على المراحل الجايه من الموسم بكل قوه، خصوصًا إن الفريق داخل على فتره حساسه وتحتاج تركيز وحماس.
وحسب تقرير من إذاعة راديو كتالونيا، فليك حط كم عباره تحفيزيه على جدران غرفة الملابس في النادي، الهدف منها يرفع المعنويات ويحمس اللاعبين أكثر عشان يحققو البطولات الجايه.
من العبارات اللي كتبها المدرب الألماني:
“قوة كل فرد تجعلنا جميعاً أقوى”، و”سنفوز بالثلاثية”.
العبارات بسيطه بس معناها كبير، وبتعكس شخصية فليك المعروفه بالحماس والانضباط والتركيز على روح الفريق.
الجمهور تفاعل مع الخبر بشكل كبير، في ناس قالت هذي حركه ممتازه من المدرب، وفيه اللي شاف إن الكلام سهل بس الأهم التطبيق في الملعب.
برشلونه هالفتره قدامه تحديات صعبه، خصوصاً في دوري الأبطال والليغا وكأس الملك، وفليك واضح إنه يبغى يخلي اللاعبين يدخلون كل مباراه وهم مؤمنين إنهم يقدرو يوصلو للنهائي ويفوزو بالبطولات كلها.
هالخطوه تعتبر رساله واضحه من فليك إنه مؤمن بالفريق وإنه يشتغل مو بس تكتيكياً، حتى نفسياً يحاول يرفع الروح ويخلق جو إيجابي بغرفة الملابس.
نشوف إذا العبارات هذي بتنعكس فعلاً على أداء الفريق ولا لا.
