قفزة أسعار الذهب اليوم الخميس 8 مايو 2025.. سعر جرام عيار 21 بدون مصنعية يصل إلى 4770 جنيها
تواصل أسعار الذهب في مصر حالة من الترقب والاهتمام بين الناس، خاصة في ظل التغيرات الكبيرة اللي بتحصل في الاقتصاد العالمي الأيام دي، كتير من الناس بقت متابعة الأسعار يوم بيوم ومستنية إيه اللي هيحصل في السوق، وده بسبب إنه المعدن الأصفر لسه واحد من أهم الأدوات اللي الناس بتلجأ لها للحفاظ على قيمة مدخراتها، خصوصاً مع التضخم وزيادة الأسعار اللي بنشوفها في حاجات كتير حوالينا، المواطن المصري بقى يسأل يومياً عن سعر جرام الذهب وخصوصاً عيار 21 اللي عليه الطلب الأكبر في السوق المحلي.
أسعار الذهب اليوم في مصر
النهارده الخميس 8 مايو 2025، سجل الذهب ارتفاع واضح في الأسعار المحلية، وده نتيجة الأحداث الاقتصادية العالمية واللي على رأسها القرارات الأمريكية الخاصة بالرسوم الجمركية واللي أثرت على كل الأسواق، مش بس السوق المصري،
- عيار 24 سجل حوالي 5451 جنيه، - عيار 21 وصل لـ4770 جنيه، - عيار 18 بقى بـ4089 جنيه، - عيار 14 سجل 3180 جنيه، - أما الجنيه الذهب فبلغ 38460 جنيه،
تأثير العوامل العالمية
الارتفاع في أسعار الذهب مش بس سببه الطلب المحلي، لكن كمان مرتبط بشكل كبير بأسعار الفائدة والتضخم العالمي، وكمان قرار الرئيس الأمريكي دونالد ترامب الأخير بفرض رسوم جمركية أدى لزيادة المخاوف وسط المستثمرين وخلى فيه حالة من البيع المكثف في أسواق الأسهم العالمية، كل ده فتح الباب قدام المعدن النفيس علشان يكون هو الملاذ الأول للناس اللي بتدور على الأمان.
ملحوظة مهمة جداً
من المهم إننا نفكر دايما إن الأسعار اللي بنشوفها في محلات الذهب أو بنسمع عنها في السوق كل يوم بتتغير بشكل سريع على مدار الساعة، وكمان لازم نعرف إن الأسعار دي بتزيد عليها مصاريف المصنعية والضريبة والدمغة، ده غير التغيرات اللي بتحصل على سعر الذهب الفوري عالميًا، يعني اللي ناوي يشتري أو يبيع لازم يتابع الأسعار أول بأول ومايعتمدش على سعر ثابت، لأن السوق دايمًا بيتغير والأسباب كتيرة.
