قفزة الذهب اليوم: أسعار عيار 24 تلامس 41.325 ريال عماني الخميس 8 مايو 2025
في الساعات الاخيرة كان فيه اهتمام واضح من الناس في سلطنة عمان بمتابعة أسعار الذهب، خصوصا بعد التغييرات العالمية اللي حصلت والتقلبات في الأسواق بسبب التعريفات الجمركية اللي فرضتها أمريكا، النهاردة الخميس الموافق 8 مايو 2025، شهد سعر الذهب ارتفاع بسيط عن أسعار امبارح وده وسط متابعة كبيرة من المستثمرين والمواطنين اللي عندهم شغف بمعرفة تحركات الأسعار أول بأول سواء عشان الاستثمار أو حتى عشان المناسبات والاحتياجات اليومية.
تفاصيل أسعار الذهب اليوم في سلطنة عمان
عايزين نوضح بالأرقام أسعار أعيرة الذهب النهاردة في أسواق سلطنة عمان، سعر جرام عيار 24 وصل لـ 41.325 ريال عماني، وده أعلى سعر بين الأعيرة زي ما هو معروف، لأنه أكتر درجة نقاء في الأسواق، أما عيار 22 فسجل النهاردة 37.900 ريال، وعيار 21 اللي ناس كتير بتفضله سواء للزينة أو الاستثمار وصل لـ 36.175 ريال، بالنسبة لـ عيار 18 اللي بيكون عليه طلب برضه، سعره بقى 31.000 ريال، ونزل شوية لـ عيار 14 اللي وصل لـ 24.125 ريال.
للي بيسأل عن الجنيه الذهب، النهاردة سعره 289.350 ريال، أما الأونصة فسجلت 1285.725 ريال عماني، وبالنسبة للأونصة بالدولار الأمريكي فبقت بـ 3339.57 دولار.
تأثير الأحداث العالمية على الأسعار
المحللين شايفين إن سبب ارتفاع الأسعار الطفيف هو حالة عدم الاستقرار في السوق العالمي بعد التعريفات الجمركية الجديدة اللي أعلن عنها الرئيس دونالد ترامب، في ناس كتير شايفة إن ده ممكن يجر العالم لحرب تجارية، وده اللي بيخلي المستثمرين يتجهوا دايما للذهب على إنه ملاذ وعشان يحافظوا على أموالهم وقيمة مدخراتهم وسط التغييرات السريعة، يبقى الذهب دايما في الصدارة وقت الخوف، خصوصا في فترات عدم اليقين الاقتصادي والسياسي في العالم.
