قفزة جديدة بأسعار الذهب اليوم الثلاثاء في مصر بعد الارتفاع الأخير
يشهد السوق المصري حالة من الترقب الشديد بعد الارتفاع الملحوظ في أسعار الذهب اليوم الثلاثاء، في وقت تستمر فيه أسعار المعدن الأصفر بالصعود عالميا وسط تحركات حذرة للمستثمرين وتأثير التطورات الاقتصادية في الخارج، ويبدو أن المتابعين لسوق الذهب في مصر أصبحوا على أعصابهم بعد أن أعلنت محلات الصاغة أن الأسعار زادت بشكل كبير خلال أسبوعين فقط، وتحديدا بعد ما ارتفع سعر الذهب عالميا ليصل إلى حوالي 3380 دولار للأونصة، ده خلى الحركة في السوق متوترة جدا وأثار تساؤلات كتيرة وسط الناس اللي بيفكروا يشتروا أو يبيعوا.
تحديث أسعار الذهب اليوم في المحلات
بحسب ما ذكر لنا تجار الذهب، سجل عيار 24 النهاردة 5485.75 جنيه للجرام، بينما عيار 21 – اللي عليه الطلب غالبا معظم الوقت – وصل لـ 4800 جنيه للجرام، أما عيار 18، بقى عند 4114.25 جنيه للجرام، وعيار 14 الأقل جودة وسعرا، سجل 3200 جنيه، كمان الجنيه الذهب الواحد تعدى 38 ألف جنيه وده رقم كبير جدا لأول مرة يوصل له.
ارتفاع عالمي وتوترات اقتصادية
وشهد سعر الذهب العالمي قفزة واضحة أثناء تدولات اليوم، بعد ما المستوردين والمستثمرين رجعوا يلجأوا للذهب كملاذ آمن وسط حالة القلق اللي بتسيطر على الأسواق العالمية، سعر الأونصة ارتفع بنسبة 1.3% النهاردة، وسجل أعلى مستوى له في أسبوعين بـ 3387 دولار، بعدما كان بدأ اليوم على 3333 دولار، وده مؤشر واضح على أن المستثمرين بيتفادوا المخاطر الكتيرة ويعتمدوا على الذهب في الفترة دي.
قرارات ترامب وتأثيرها
كل ده بيحصل في ظل استمرار حالة التشويش الناجمة عن تصريحات الرئيس الأمريكي دونالد ترامب، اللي أعلن بشكل مفاجئ يوم الاثنين اللي فات إنه هيفرض رسوم جمركية جديدة على الأدوية خلال أسبوعين، الإعلان ده تسبب في عدم استقرار بالأسواق الدولية، ودفع كتير من المستثمرين للجوء للذهب من باب الحماية والاحتياط.
الوضع الحالي بيخلي الكل متابع ومستني ما سيحدث خلال اجتماعات البنك الاحتياطي الفيدرالي الفترة الجاية، خاصة مع استمرار صعود الأسعار والجو العام اللي كله توتر وتوقعات متضاربة، ومن الواضح أن أسعار الذهب هتستمر في التغير مع أي أخبار أو قرارات جديدة تخص الاقتصاد العالمي.
