ليفربول على بعد ٣ نقط من الحلم الدوري قرب ياحمر
ليفربول قرب جدا من حسم لقب الدوري الإنجليزي رقم 20 في تاريخه بعد فوز صعب ومهم على ليستر سيتي بهدف نظيف ف الجولة 33، المباراة كانت على ملعب كينج باور والهدف جه عن طريق ترينت ألكسندر أرنولد ف الدقيقة 76 بتسديدة حلوة جوه منطقة الجزاء.
الفوز ده وصل رصيد ليفربول لـ79 نقطة، وبقى في الصدارة بفارق 13 نقطة عن أقرب منافسيه أرسنال، اللي هو كمان كسب إبسيويتش تاون 4-0، بس خلاص الفرصه بقيت ضعيفه جدا لأرسنال لو عايزين يلحقوا القمة.
ليفربول دلوقتي محتاج بس 3 نقط من باقي مبارياته علشان يتوج رسميًا باللقب، وعيون الجمهور كلها رايحة على المواجهة الجايه اللي هتكون قدام توتنهام على ملعب أنفيلد يوم الأحد 27 إبريل.
الماتش هيبدأ الساعة 7:30 مساء بتوقيت مكه المكرمه، وهيتذاع على قنوات بي إن سبورتس، الناقل الحصري للدوري الإنجليزي ف الشرق الأوسط وشمال أفريقيا.
جماهير الريدز عايشه على أعصابها ومستنيين المباراة اللي ممكن تكون لحظة التتويج التاريخية.
