مانشستر سيتي بيستعد يصطاد وولفرهامبتون في معركة الجولة 35 بالبريميرليج
مانشستر سيتي بيرجع للملعب بكرة، وبيستضيف وولفرهامبتون على ملعب الاتحاد، في الجولة الـ35 من الدوري الإنجليزي الممتاز والسيتي داخل الماتش وهو عينه على التلات نقط، خصوصًا إنه مش عايز يفرّط فـ أي فرصة في سباق الصدارة.
التاريخ بيقول إن السيتي ليه اليد العليا في المواجهات دي، الفريقين لعبو ضد بعض 119 مرة، السيتي كسب 50 منهم، أما وولفرهامبتون فاز في 45، والتعادل حضر في 24 ماتش.
الأهداف كمان بتميل للسيتي، سجل لحد دلوقتي 235 جول في شباك الذئاب، في حين إن وولفرهامبتون سجل 222 جول.
بس الماتشات دي عمرها ما كانت سهلة، وولفرهامبتون فريق عنيد وبيعرف يوجع الكبار، وعملها قبل كده مش مرة ولا اتنين.
بيب جوارديولا هيعتمد على عناصره الأساسية وخصوصًا هالاند ودي بروين، أما وولفرهامبتون فأكيد مش هييجي يسلم، هيحاول يخرج بأقل الخساير أو يسرق نقطة.
الجمهور مستني يشوف ماتش ناري، ومفيش مجال للغلط للسيتي لو عايز يحتفظ باللقب.
