من كام درجة تنسيق دخول التمريض العسكري 2025/2026 بعد الشهادة الاعدادية
في الوقت ده من السنة بيبدأ طلاب كتير يسألوا: من كام التمريض العسكري؟، وده لأن الكل بيدور على بديل محترم للثانوي العام، يضمن مستقبل شغل في مجال حيوي ومطلوب، ومع اقتراب ظهور نتيجة الشهادة الاعدادية 2025، بدأت الأنظار تتوجه لمدارس التمريض العسكري للبنين والبنات، واللي بتفتح باب التقديم للي جايب مجموع معين، في المقال ده، هنعرف كل حاجة عن تنسيق دخول التمريض العسكري 2025/2026 بعد الاعدادية.
تنسيق التمريض العسكري المتوقع في المحافظات
وزارة الدفاع هتعلن عن التنسيق الرسمي بعد اعتماد النتيجة، لكن التنسيق مش بيختلف كتير من سنة للتانية، وإليكم التنسيق المتوقع استنادًا للعام السابق:
| المحافظة | التنسيق المتوقع |
|---|---|
| القاهرة | 220 درجة |
| الجيزة | 218 درجة |
| الشرقية | 261 درجة |
| الأقصر | 195 درجة |
| الغربية | 234.5 درجة |
| كفر الشيخ | 220 درجة |
| البحيرة | 277 درجة |
| دمياط | 200 درجة |
| سوهاج | 265 درجة |
شروط القبول في التمريض العسكري 2025
لازم الطالب يكون مصري الجنسية، وسنه لا يزيد عن 18 سنة وقت التقديم، كمان يشترط حسن السير والسلوك، والنجاح في الاختبارات البدنية والطبية، وطبعًا، لازم يحقق الحد الأدنى من درجات تنسيق التمريض العسكري في محافظته.
مميزات مدارس التمريض العسكري
المدارس دي مش بس تعليم، لكن كمان تأهيل لسوق العمل وفتح باب التعيين في المستشفيات العسكرية، مدارس التمريض العسكري بتوفر للطالب أو الطالبة سكن داخلي، تدريب عملي، تأمين صحي، ومصروف شهري في بعض المدارس.
الأوراق المطلوبة للتقديم
من المهم تجهيز الأوراق المطلوبة من بدري، ودي بتشمل:
- شهادة النجاح الإعدادية
- شهادة ميلاد كمبيوتر
- 4 صور شخصية حديثة
- ملف تقديم
- استمارة تنسيق
- إيصال دفع المصاريف البريدية
