موجة ارتفاع جديدة تضرب سعر الذهب اليوم وعيار 21 يسجل 4720 جنيها في مصر
سوق الذهب في مصر يعيش حالة من التحرك السريع والملحوظ في الأسعار، وتقريبا كل يوم الناس بتسأل إيه الجديد في الأسعار وهل الوقت مناسب للشراء ولا لأ، النهاردة، الذهب كمل مشوار الصعود بتاعه وسجل عيار 21 وهو الأكثر شيوعا بين المصريين سعر بين 4710 و4720 جنيه، وده بعدما ارتفع حوالي 20 جنيه دفعة واحدة في نص اليوم، على خلفية ارتفاع سعر الذهب العالمي اللي عدى حاجز 3313 دولار للأونصة.
أسعار الذهب في السوق المصري
الأسعار للأعيرة المختلفة بتشهد قفزات واضحة، وده ظاهر أوى في سعر عيار 24 اللي وصل لـ5382.86 جنيه، وعيار 21 اللي سجل 4710 جنيه تقريبا، كمان عيار 18 بقى بـ4037.14 جنيه، وعيار 14 بـ3140 جنيه، لو حد مهتم بالجنيه الذهب فهو دلوقتي وصل لـ37720 جنيه، والناس اللي بتفكر في الاستثمار بدأت تراجع حساباتها في ظل التحركات دي.
ضعف الدولار يدعم الذهب وانتظار اجتماع الفيدرالي
في الوقت نفسه، المؤشرات العالمية بتقول إن الدولار الأمريكي ضعف شوية النهاردة بعد ما كان بيحقق مكاسب لمدة أسبوعين ورا بعض، المؤشر بتاع الدولار، اللي بيقيس آداؤه قدام 6 عملات رئيسية، تراجع بنسبة 0.2%، واللي ساهم في رفع أسعار الذهب عالميا، لأن زي ما معروف العلاقة ما بينهم عكسية.
كل الأنظار دلوقتي متجهة لاجتماع البنك الاحتياطي الفيدرالي خلال أيام، وده ممكن يكون ليه تأثير مباشر على سوق الذهب، فيه توقعات إن الذهب يفضل يتحرك في نطاق من 3200 لـ3350 دولار للأونصة لحد ما البنوك المركزية تعلن قراراتها، بس في نفس الوقت، لو حصلت تطورات فجائية زي الرسوم الجمركية أو مفاوضات التجارة، السوق ممكن يتهز من جديد والأسعار تتغير بسرعة.
كل ده بيخلي الناس اللي بتدور على الأمان أو الاستثمار أو حتى مجرد الشراء الشخصي متابعين الأخبار لحظة بلحظة، ومش عارفين يستقروا على قرار وسط كل التغيرات دي.
