أنشيلوتي يثير الجدل عن مستقبله مع ريال مدريد بعد الخروج الأوروبي
كارلو انشيلوتي المدير الفني لنادي ريال مدريد رجع يثير الجدل مره تانيه حوالين مستقبله مع النادي، خصوصاً بعد ما الفريق خرج من ربع نهائي دوري ابطال اوروبا على يد آرسنال بهزيمه تقيله 3-0 في الذهاب و 2-1 في الاياب.
وبدأت الصحف تتكلم عن أسماء ممكن تخلفه، وأكتر اسم بيتكرر هو تشابي ألونسو، مدرب باير ليفركوزن اللي عامل موسم تاريخي.
انشيلوتي اتكلم في مؤتمر صحفي قبل ماتش اتلتيك بلباو وقال: “الماتش هيكون حماسي وأحب أبارك لبيلباو على التأهل في الدوري الأوروبي”.
وسألوه عن مستقبله، قال: “كلنا في النادي واللاعبين متفقين اننا نكمل ونقاتل على البطولات اللي لسه موجوده، طبعا زعلنا للخروج من دوري الأبطال بس دي كوره قدم ومش دايمًا هتفوز”.
وعن علاقته برئيس النادي قال: “الرئيس فلورنتينو بيريز بيوريني دعم أكتر دلوقتي من وقت ما كنا بنكسب”.
أما عن تدريب البرازيل أو كأس العالم للأندية، رد وقال: “كل الكلام ده هنتكلم فيه بعد نهاية الموسم”.
وختم كلامه: “مش عايز أتكلم عن مستقبلي دلوقتي، هتكلم مع النادي بعدين”.
