ارنولد يرفض الكلام عن مستقبله بعد هدفه الحاسم ضد ليستر سيتي
بعد ما أحرز هدف الفوز لفريقه ليفربول قدام ليستر سيتي، رفض ترينت ألكسندر أرنولد يتكلم عن مستقبله مع النادي، وساب كل الناس تتكهن هل هيكمل ولا لأ بعد نهاية الموسم.
ليفربول قرب جدًا من التتويج بالدوري الإنجليزي للمرة العشرين، بعد ما خطف فوز صعب من ليستر الهابط رسميًا بهدف مقابل لا شيء، في الجولة 33، والهدف جه في الدقيقة 76 من تسديدة لأرنولد جوه منطقة الجزاء.
أرنولد قال بعد الماتش: “اللحظات دي دايمًا بتكون مميزة، وأنا عندي ذكريات جميلة هنا، وجمهور ليفربول دايمًا بيدعمنا وبيساعدنا نفوز”.
لكن لما اتسأل عن مستقبله قال: “مش هتكلم عن مستقبلي دلوقتي، أنا مركز في اللي بيحصل دلوقتي وعايز أستمتع بكل لحظة”.
كمل كلامه وقال: “قلت من أول الموسم إني مش هتكلم عن وضعي، كل اللي بيهمني دلوقتي إني أكون جزء من الفريق ونكسب البطولات”.
واختتم: “بالمناسبة.. ده يمكن أول هدف ليا برجلي الشمال”.
وبكده جمهور ليفربول لسه مستني رد رسمي من أرنولد عن قراره النهائي بعد نهاية الموسم.
