بنك مصر يقلل الفوايد على الشهادات وبعض الحسابات بعد قرار المركزي
في قرار جديد من بنك مصر، أعلن فيه إنه خفض الفايده على شهاده يومياتى وبعض حسابات التوفير زى سوبر كاش وحساب المعاشات، وبقى العائد يتراوح ما بين 15.75٪ لـ20.25٪، وده طبعاً حسب كل شريحة ف الحساب.
الخطوة دي جات بعد ما البنك المركزي قرر يقلل سعر الفايده 225 نقطه أساس، في الاجتماع اللى حصل يوم الخميس اللي فات، وده اللى خلى لجنة الألكو في بنك مصر تجتمع علشان تشوف هتعمل إيه بخصوص العائد على الشهادات الادخار.
اللجنه شافت إن الوقت مناسب لخفض الفوايد بعد ما التضخم بدا يقل، وكان فيه كمان استقرار نسبى في الاقتصاد المصرى. التضخم السنوي بقى 13.6٪ في مارس، وده أضعف معدل من تلات سنين، وده بفضل السياسات النقدية اللى اتطبقت.
الاقتصاد العالمي هو كمان كان ليه تأثير، لإن البنوك المركزيه فى دول تانيه بتتصرف بحذر بسبب التضخم والتوترات ف التجاره العالميه وكمان أسعار البترول قلت بشكل كبير، وده ساعد على تقليل الضغط.
لكن فى نفس الوقت، اللجنه أكدت إنها لسه بتتابع كل حاجه عن قرب، وممكن تغير القرار حسب الظروف الاقتصاديه فى المستقبل، وخصوصًا لو التضخم رجع يزيد تاني أو حصل تطورات عالميه مفاجئه.
الناس اللى حاطه فلوسها في الشهادات لازم تراجع موقفها، وتشوف إيه الأنسب ليها، لأن التغيرات دى ممكن تأثر على العائد اللى كانوا متعودين عليه.
