أندية روشن تتحرك على برشلونة وعيونهم على رافينيا ودي يونغ
كشفت تقارير صحفيه جديده إن في تطورات كبيره حصلت بخصوص مفاوضات بعض أندية دوري روشن مع نادي برشلونة، علشان يضموا لاعبين من العيار التقيل قبل بداية الموسم الجديد 2025-2026.
وبحسب صحيفة “سبورت” الإسبانيه، حصل اجتماع ما بين ممثلين من الهلال والنصر والاتحاد، مع إدارة النادي الكتالوني، واتكلموا فيه عن إمكانية التعاقد مع كذا لاعب.
الهلال عينه على البرازيلي رافينيا، اللي كان رفض ييجي للسعوديه الصيف اللي فات، بس مع الأزمة الماليه اللي بيعاني منها برشلونة، ممكن الموضوع يتغير لو الفلوس كانت كويسه.
أما النصر، فمهتم بمدافعين من الطراز العالي زي رونالد أراوخو وجول كوندي، وده لأنهم عايزين يبنوا خط دفاع صلب ينافسوا بيه في كل البطولات.
والاتحاد مش بعيد، حاطين فرينكي دي يونغ على رادارهم علشان يقووا نص الملعب، خصوصًا إن اللاعب مش بيلعب كتير مع برشلونة الموسم ده وممكن يفكر يغيّر الجو.
واضح إن دوري روشن ناوي يدخل الصيف ده بقوه، بس المره دي مش على لاعبين قربوا يعتزلوا، لأ على نجوم في عز مستواهم الكروي.
