جوان دوران في ورطه نفسيه كبيره وجماهير النصر تفقد صبرها عليه
اللاعب الكولومبي جوان دوران، مهاجم نادي النصر، يمر بفتره صعبه جدًا من يوم ما وصل النادي، خصوصًا في المباريات الأخيره، مستواه صار متذبذب بشكل واضح والجماهير بدأت تنتقده بصوت عالي.
دوران اللي كان الكل متأمل فيه إنه يعوض تاليسكا، ما قدر يثبت نفسه لا في الهجوم ولا حتى في التحركات، وصار وجوده ما يفرق كثير في المباريات.
جماهير العالمي مقارنه بمستوى تاليسكا حاسين بفرق كبير، واللوم كله على الكولومبي.
شبكة «Antena 2» الكولومبيه قالت إن دوران بنفسه مو راضي عن مستواه، وعنده إحباط كبير من اللي يقدمه، خصوصًا إنه حاس بالغضب الجماهيري المتصاعد ضده. اللاعب عارف إنه لازم يتحسن بسرعه، وفعلاً جالس يشتغل على نفسه في التمارين ويحاول يرجع فورمته.
في المقابل، الإعلام والجمهور بدوا يطالبون أو بإعطائه فرصه أخيره أو يبدأ النادي يدور على بديل في الصيف الجاي.
النصر عنده مباراه مهمه الليله قدام ضمك، على ملعب الأمير سلطان بن عبد العزيز، والكل بيترقب هل دوران بيقدر يرد على الانتقادات ولا بيزيد الطين بلّه.
