بعد سنين الخبره مع ابوه.. دافيد انشيلوتي يدور على حلمه بنفسه
دافيد انشيلوتي، ولد المدرب الكبير كارلو، شكل سنين كتير من مسيرته مع ابوه، وكان دايمًا جنبه كمساعد في فرق تقيله زي باريس سان جيرمان وبايرن ميونخ، وبعديهم نابولي وإيفرتون، ودلوقتي مع ريال مدريد، بس شكله قرب ياخد خطوه مختلفه تماماً عن اللي عاشها قبل كده.
مصادر كتير قالت إن دافيد ابتدا يجهز لنفسه مشوار خاص، وابتدى يتعامل مع وكيل اعمال جديد، وبيدرس العروض اللي بتجيله من انديه في الدرجه الأولى في أوروبا، وده معناه إن الولد عايز يطلع من تحت جناح ابوه ويمشي في سكته لوحده.
مع إنه لسه صغير في السن نسبياً، بس خبرته في الملعب كبيره، خصوصًا إنه كان بيشتغل عن قرب مع كارلو، وبيساعده في اتخاذ قرارات فنيه مهمه جدًا، وده بان بوضوح في ماتشات ريال مدريد السنه دي، واللي كان ليه فيها لمسات واضحه.
في ناس شايفه إن الخطوه دي متأخره شويه، بس في ناس تانيه شايفه إن الوقت دلوقتي مناسب، خصوصًا وإنه اتحضر صح واشتغل في بيئات مختلفه وتحت ضغوط عاليه.
فهل يا ترى دافيد هيقدر يثبت نفسه كمدرب اول؟ وهل اسمه هيكبر من غير ما يفضل دايمًا مربوط بأبوه؟ الأيام الجايه هترد على الأسئله دي، واللي أكيد إنه عنده طموح، ومستعد ياخد مغامره جديده على أمل إنه يصنع اسمه في عالم الكوره.
