أنشيلوتي يجهز مبابي للنهائي ورودريجو ممكن يقعد دكه
أنشيلوتي مدرب ريال مدريد تقريبًا حسمها، وناوي يشرك كيليان مبابي في نهائي كاس ملك إسبانيا يوم السبت الجاي قدام الغريم برشلونة، لو جاهزيته كملت على خير.
مبابي مش هيلعب ماتش خيتافي اللي هيتلعب النهارده الأربع، ضمن الجوله 33 من الدوري الإسباني، بسبب إصابته في عضلات الفخذ اللي حصلتله في ماتش أرسنال بدوري الأبطال الأسبوع اللي فات.
المهاجم الفرنسي كمان غاب عن آخر ماتش في الدوري ضد أتلتيك بيلباو اللي كان على ملعب سانتياجو برنابيو، واللي لعب فيه أنشيلوتي بطريقة 4-4-2 واعتمد فيها على ثنائي هجومي.
صحيفة “آس” الإسبانية قالت إن المدرب الإيطالي ناوي يكمل بنفس التكتيك قدام برشلونة، ولو مبابي رجع وشارك، فده معناه إن رودريجو جوس غالبًا هيبدأ من عالدكه، علشان يسيب مكانه لمبابي وفينيسيوس جونيور، واللي هيكون وراهم جود بيلينجهام.
ريال مدريد داخل الكلاسيكو وعينه على اللقب، وأنشيلوتي بيدور على التوليفه اللي تضمنله السيطره، خصوصًا لو مبابي بقى جاهز بنسبة 100٪ قبل السبت.
