النصر يدخل سباق التعاقد مع قدوس وبيولي يحدد احتياجاته الصيفيه
مازال مسؤولي نادي النصر شغالين بكل قوه الفتره دي علشان يجهزوا الفريق كويس للموسم الجاي، خصوصًا في ظل البطولات اللي منتظر يشارك فيها الفريق، وأهمها دوري روشن وبطولات القاره.
الإداره ناويه توفر كل طلبات المدرب الإيطالي ستيفانو بيولي، اللي حدد بعض المراكز اللي محتاج تدعيم فيها الصيف الجاي، علشان الفريق يبقى جاهز ومستعد ينافس على كل البطولات.
وبحسب تقارير من شبكة “Football Insider”، النصر حط عينه على نجم وست هام الإنجليزي، الغاني محمد قدوس، وعايز يضمه بأي طريقه في الميركاتو الصيفي.
اللي يزود الحماس في الصفقه إن الهلال كمان بيطارد نفس اللاعب، خصوصًا قبل مشاركته في كأس العالم للأنديه اللي هتتلعب في أمريكا الصيف الجاي، وده يخلي الصراع مشتعل بين الناديين.
الأيام الجايه ممكن تشهد تطورات جديده بخصوص مستقبل قدوس، خصوصًا مع العروض الكبيره اللي بتوصل لنادي وست هام، بس لحد دلوقتي النصر بيحاول يدخل بقوه ويخطف اللاعب من الهلال.
