أنشيلوتي باقي في مدريد رغم الغضب الجماهيري والخروج الأوروبي الكبير
واضح إن الإيطالي كارلو أنشيلوتي هيكمل مع ريال مدريد لحد نهاية الموسم، ويمكن كمان بعد كأس العالم للأندية، رغم الضغوط الكبيرة اللي بيتعرض ليها من جماهير الملكي بعد الخروج القاسي من دوري الأبطال قدام أرسنال الإنجليزي (5-1) مجموع المباراتين.
الجمهور مش راضي عن الأداء والنتايج، خصوصًا إن الفريق معاه نجوم كبار، ومع كده الموسم ماشي بصعوبة، لكن إدارة مدريد لسه متمسكة بأنشيلوتي.
السر؟ أولاً علاقته القوية مع الرئيس فلورنتينو بيريز اللي شايف إن كارلو هو المدرب التاريخي للنادي، وثانيًا مفيش بديل جاهز أو واضح لحد دلوقتي، حتى أسماء زي تشابي ألونسو مش محسومة.
غير كده، بيريز عايز يحافظ على الاستقرار قبل كأس العالم للأندية اللي ليها أهمية كبيرة فنيًا وماديًا.
أنشيلوتي كمان مش حاسس إنه في أزمة، ومرتاح وسط التحديات، رغم إنه ماخدش دعم كبير في الميركاتو، باستثناء صفقة مبابي اللي جاية قريب، وإندريك.
والكلام بيقول إن فرصة تحقيق الثنائية المحلية (الدوري وكأس الملك) ممكن تبقي طوق النجاة لأنشيلوتي.
